4 Maýsym, 14:41 874 0 Jahan Anar LEPESOVA

Lýkashenko Belarýs úkimetin otstavkaǵa jiberdi

Belarýs prezıdenti Aleksandr Lýkashenko el úkimetin otstavkaǵa jiberdi. Tıisti qaýlyny memleket basshysy keshe, 3 maýsymda qabyldady, dep habarlaıdy BELTA.

Buǵan deıin Lýkashenko jańa úkimettiń quramyn, sondaı-aq birqatar basqa máselelerdi talqylaýǵa arnalǵan jıyn ótkizgen. Jıynda Belorýssııa prezıdenti  mınıstrler kabınetiniń quramyn tolyq jańartýǵa nıetti emes ekenin aıtqan. Onyń aıtýynsha, úkimetten tek ekonomıkalyq daǵdarys kezinde ózine artylǵan jumys kólemin ıgere almaıtyndar ǵana basqa jumysqa baǵyttalady. Lýkashenkonyń kimdi meńzegeni belgisiz.

Aıta keteıik, 9 tamyzda Belorýssııada prezıdent saılaýy ótedi. Eldiń qazirgi prezıdenti saılaý ádil ári júıeli túrde ótetinine sendirdi.

Aleksandr Lýkashenko Belorýssııany 1994 jyldan beri úzilissiz basqaryp keledi. Búginde ol besinshi ókilettilik merzimin atqarýda.

Sońǵy jańalyqtar