4 Maýsym, 13:21 4545 0 Bilim Anar LEPESOVA

Mektep dırektorlary attestaııadan ótedi – mınıstr

Elimizde mektep dırektorlary men olardyń orynbasarlaryn attestaııadan ótkizý ınstıtýty engiziledi. Synnan súrinbeı ótken basshylardyń jalaqysy artady. Bul týraly Bilim jáne ǵylym mınıstri Ashat Aımaǵambetov málimdedi. 

«Pedagogtardyń sapalyq quramyn arttyrý jumystary júrgizildi. Qazirgi ýaqytta 150 myńnan astam pedagog biliktilik sanatyn rastap, laýazymdyq eńbekaqysynyń 30-50 paıyzy kóleminde ústemeaqy alyp jatyr», - dedi vedomstvo basshysy.

Mınıstrdiń aıtýynsha, mektep basshylarynyń jalaqysyn arttyrý máselesi de qarastyrylǵan.

«Jalpy ol - belgili problemanyń biri. Qazirgi ýaqytta dırektorlardyń jalaqysy óte az, jetkiliksiz. Ol úshin birneshe shara qabyldadyq. Birinshiden, bıyl jáne kelesi 4 jyl ishinde jalaqynyń eki ese ósýi dırektorlarǵa da qatysty bolady. Ekinshiden, dırektorlar men olardyń orynbasarlaryn attestaııadan ótkizý ınstıtýty engizildi. Iaǵnı, endi dırektorlar men olardyń orynbasarlary óz jumysynyń tıimdiligin kórsetken jaǵdaıda aı saıynǵy jalaqysyna 30-dan 100 paıyzǵa deıin qosymsha ústemeaqy alatyn bolady», - dep túsindirdi A. Aımaǵambetov.

Vedomstvo basshysynyń sózinshe, osy aıdan bastap mektep dırektorlary men olardyń orynbasarlary jańa júıe boıynsha test tapsyra bastaıdy. Synaq nátıjesi boıynsha keı dırektorlardy ornynan alý nemese basqa mektepke jiberý týraly sheshim qabyldanýy múmkin. Al attestaııadan súrinbeı ótkender ústemaqy alyp, óz jumysyn ári qaraı jalǵastyrmaq.

Aıta keteıik, buǵan deıin Ashat Aımaǵambetov muǵalimderdiń shamadan tys esep berý máselesin túbegeıli sheshetin buıryqty egjeı-tegjeıli túsindirgen.

Mınıstrdiń aıtýynsha, budan bylaı muǵalimder eki-aq qujatty toltyrady.

Sońǵy jańalyqtar