4 Maýsym, 14:40 504 0 Bilim Anar LEPESOVA

UBT qalaı ótedi?

Sýret ǵalamtordan alyndy
Sýret ǵalamtordan alyndy

Premer-Mınıstr Asqar Mamınniń tó­ra­­ǵalyǵymen ót­ken Úkimettiń se­lek­­tor­lyq oty­ry­syn­­da Ult­tyq biryń­ǵaı tes­ti­leýdi jańa jaǵ­daıda ótkizýge da­ıyn­­­­dyq má­selesi qa­ral­­dy.

Ulttyq biryńǵaı tes­tileý osy jyldyń 20 maýsymynan 5 shildesine deıin ótkizi­ledi. Oǵan 131 myńnan astam oqýshy nemese byltyrmen salystyrǵanda 12 paıyzǵa kóbirek (117 myń) oqýshy qatysady. UBT-ny ótkizetin 161-ge jýyq pýnkt, 1 200-den astam aýdıtorııa daıyndaldy, qadamdyq nusqaýlyq qabyldandy.

UBT dástúrli tártipte, alaıda sanıtarlyq-epıdemıo­lo­gııalyq talaptardy qatań saqtaı otyryp ótkiziledi. Osylaısha, koronavırýs ınfekııasynyń taralý qaýpin azaıtý úshin 5 zalalsyzdandyrý sharasy qoldanylady. Atap aıtsaq, test tapsyrýshynyń dezınfekııalaý tonneli arqyly ótýi, aıaq kıimdi arnaıy dezınfekııalaýshy kilemshede óńdeý, qoldy sanıtaızermen tazalaý, temperatýrany ólsheý, bir ret qoldanylatyn maska usyný. UBT ótkizý pýnktterine kirý tártibi boıynsha test tapsyrýshylar ara­syndaǵy araqashyqtyq keminde 2 metrdi quraıtyn bolady.

«Barlyǵy tynysh jaǵdaıda ótýi kerek, túlekter nazaryn tek testke aýdarýy tıis. Dástúrli túrde ata-analar úshin testileýdiń onlaın taratylymyn uıymdastyrý kerek. Osylaısha, UBT úderisiniń ashyqtyǵy men aıqyn­dy­lyǵy qamtamasyz etiledi», — dedi A. Mamın.

Úkimet basshysy bilim jáne ǵylym, densaýlyq saqtaý, ishki ister mınıstrlikterine jáne óńirler ákimdikterine UBT-ny sapaly ótkizýdi jáne sanıtarlyq talaptardyń múltiksiz saqtalýyn qamtamasyz etýdi tapsyrdy.

Aqparat jáne qoǵamdyq damý mınıstrligine UBT-ny qazir­gi jaǵdaıda ótkizý boıynsha keń aýqymdy aqparattyq-túsindirý jumystaryn júrgizý tapsyryldy.

 

Á.BAIBOL

Sońǵy jańalyqtar