3 Maýsym, 14:23 2927 0 Jańalyqtar Asyl TUMAR

Zeınetaqy jarnasy eki ese qysqarady – zań jobasy

Sýret ǵalamtordan alyndy
Sýret ǵalamtordan alyndy

Parlament Májilisinde «QR keıbir zańnamalyq aktilerine shetel valıýtasyndaǵy ıpotekalyq qaryzdar jáne kórsetiletin tólem qyzmetteri naryǵynyń sýbektilerin retteýdi jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, – dep jazdy QazAqparati.

«Memleket basshysynyń tapsyrmasyn oryndaý maqsatynda Parlament depýtattary ázirlegen zań jobasy halyqtyń valıýtalyq ıpotekalyq qaryzy máselelerin, sonymen birge tólem qyzmetteri naryǵyndaǵy sýbektilerdiń rettelýin jetildirý suraqtaryn qamtıdy. Tuńǵysh Prezıdent 2018 jyldyń 10 qańtaryndaǵy Joldaýynda halyqtyń valıýtalyq ıpotekalyq qaryzy boıynsha naqty sheshim qabyldaýdy tapsyrǵan edi. 2018 jyldyń 27 naýryzynda ıpotekalyq qaryzdardy qaıta qarjylandyrý baǵdarlamasy bastaldy. Ol 2016 jyldyń 1 qańtaryna deıin 2015 jyldyń 18 tamyzyndaǵy teńge baǵamy boıynsha (1 dollar – 188,35 teńge) jeke tulǵalarǵa berilgen ıpotekalyq qaryzdardy qaıta qarjylandyrýdy qarastyrdy», – dedi Májilistiń jalpy otyrysynda depýtat Sergeı Sımonov.

Onyń aıtýyna qaraǵanda, valıýtalyq ıpotekalyq qaryz alýshylardy baǵdarlamamen tolyqqandy qamtamasyz etip, keleshekte valıýta boıynsha qaýipterdi seıiltý úshin zańnamaǵa birqatar ózgeris engizý kózdelgen. Ol boıynsha bankterge qaryz alýshynyń ótinishinsiz 2015 jyldyń 18 tamyzyndaǵy baǵam boıynsha jeke tulǵalardyń ıpotekalyq qaryzdarynyń konvertaııasyn júrgizý quqyǵy berilmek.

«Bul baǵyttaǵy jumys qysqa ýaqyttyń ishinde Elbasynyń tapsyrmasyn oryndaýǵa jol ashady. Tólem qyzmetteri naryǵyndaǵy sýbektilerdi retteýdi jetildirý boıynsha: 2019 jyldyń 2 qyrkúıeginde óz Joldaýynda Memleket basshysy aqshanyń jylystaýy men banktik emes qarjylyq uıymdardyń qyzmeti arqyly shetelge kapıtal shyǵarý qaýpin azaıtý úshin qosymsha sharalardy qabyldaýdy tapsyrǵan edi. Osyǵan baılanysty quqyqqa qarsy operaııalardy jetildirý úshin tólem uıymdarynyń qyzmet múmkindikterin azaıtatyn ózgerister jasaldy. Naqtyraq aıtqanda qoldanýshynyń ıdentıfıkaııasy boıynsha jańa talaptar engiziledi. Belgisiz (anonımdi) ámııandar arasyndaǵy aýdarymdarǵa tyıym salynady. Operaııa barysynda lımıt engiziledi. Sonymen qatar jeke kásipkerler men zańdy tulǵalar úshin tólem servısiniń múmkindikteri keńeıtiledi», – dedi spıker zań jobasynyń normalaryn túsindire otyryp.

Ol sonymen birge tólem uıymdarynyń jarǵylyq kapıtalynyń tómengi mólsherin anyqtaý boıynsha Ulttyq banktiń quzireti artyp kele jatqanyn atap ótti. Quqyqqa qarsy operaııalardyń úrdisterin qamtamasyz etý boıynsha tólem júıesi operatoryna mindettemeler júkteledi.

«Usynylyp otyrǵan ózgerister qolma-qol aqshasyz aqsha aınalymynyń ashyqtyǵyn arttyrýǵa, aqshany jylystatý qaýpin azaıtatyn mehanızm qurýǵa, tólem qyzmeti tutynýshylarynyń quqyǵyn qorǵaýǵa múmkindik beredi. Atalmysh zań jobasynyń aıasynda Úkimet qurǵan 2020 jyldyń sońyna deıin ekonomıkalyq ósimdi qalpyna keltirý boıynsha keshendi jospardy júzege asyrýǵa baǵyttalǵan ózgerister engizilip otyr. Bul normalar iri ınvestıııalyq joba aıasynda zańdy tulǵalar úshin zańnamaǵa ózgerister engizilgen kezde turaqtylyqty qamtamasyz etýge baǵyttalǵan. Mıkroqarjylyq qyzmet usynatyn uıymdardyń jumysyna lızenzııany engizý kózdeledi. Turǵyn úı jınaq bankiniń jumysyn jetildirip, azamattyq-quqyqtyq sıpattaǵy kelisimshart boıynsha jumys isteıtinderdiń (ıaǵnı frılanserlerdiń) zeınetaqy jarnasyn 10-nan 5 paıyzǵa tómendetýge jol ashady», – dedi depýtat.

Sońǵy jańalyqtar