2 Maýsym, 17:10 435 0 Aımaq Araılym Bımendıeva

Túrkistanda jańbyrlatyp sýǵarý tehnologııasy iske qosyldy

Túrkistan oblysy aýyl sharýashylyǵy basqarmasynyń basshysy Nurbek Badyraqov kóktemgi egistik jumystary tolyǵymen aıaqtalǵanyn habarlady. Egistikti ártaraptandyrý maqsatynda endi dástúrli maqta, masaq daqyldaryn azaıtyp, olardyń ornyna kókónis, mal azyǵy men maıly daqyldardy kóbeıtý qolǵa alynady.

Atalǵan salada eńbek ónimdiligin arttyrý úshin jan-jaqty taldap, naqty nátıje beretin 3 negizgi baǵytty damytý kózdelip otyr. Eń aldymen, agroqurylymdardy irilendire otyryp, zamanaýı ozyq tehnologııalar engizilgen. Bul baǵytta Túrkistan qalasy aýmaǵynda azyq-túlik beldeýin qalyptasyrý aıasynda jańbyrlatyp sýǵarý tehnologııasy iske qosylyp, nátıjesinde sýsyz qýrap, bos jatqan jerlerge sý kele bastady.

«Jańbyrlatyp sýǵarý tehnologııasynyń tıimdiligin eskere otyryp, elimizde keńinen endirýdi qajet dep sanaımyz. Jańa tehnologııa qoıý kerek. Bilekti sybanyp osyǵan kirisý kerek. Sala úsh baǵytta damıdy. Úlken sharýashylyq  jasap, ne orta sharýashylyqpen jylyna 2-3 ónim alýǵa bolady. Bolmasa, kishigirim  úıdiń irgesindegi jerden de ónim alýǵa bolady. Keıbir aýdandar bar, bos jatqan, ne tal joq, ne egis joq. Jumys istetý kerek, bos jatqan jer qalmaý kerek», – dedi apparat májilisinde oblys ákimi Ómirzaq Shókeev.

Óńirde 2-3 ga alqaptan jylyna 2-3 ónim alý jobasyn endirý óz nátıjesin berip otyr. Jobanyń tıimdiligi – 1 ga jerden jylyna 6-7 mln. teńgege deıin tabys tabýǵa múmkindik beredi. Úshinshi baǵyt – jeke qosalqy sharýashylyqtardyń aýlasyna tamshylatyp sýǵarý tehnologııasyn endirý arqyly erte pisetin kókónis, kartop, baqsha ónimderin óndirý. Bul tásil – álemde aýyl sharýashylyǵy ónimin óndirýden, eksporttaýdan úzdik elderdiń biri – Izraıl memleketinde keńinen qoldanylady.

Sońǵy jańalyqtar