2 Maýsym, 13:51 1414 0 Jańalyqtar Asyl TUMAR

Turǵyn úı qurylys jınaq bankine rebrendıng jasalady

Sýret - kaskelen.kz
Sýret - kaskelen.kz

QR Indýstrııa jáne ınfraqurylymdyq damý mınıstri Beıbit Atamqulov «Turǵyn úı qurylys jınaq banki» AQ fýnkııalary keńeıtilip, «Otbasy bank» dep qaıta atalatynyn aıtty.

QazAqparattyń málimetinshe,Ortalyq kommýnıkaııalar qyzmetinde ótken esep berý brıfınginde spıker: «Bıyl 11 mamyrda Prezıdent turǵyn úı saıasatyn reformalaý boıynsha jańa ıdeologııany engizý týraly aıtty. Jańa turǵyn úı saıasatynyń negizgi qaǵıdasy – halyqtyń tabysy men jınaqtarynyń bolýy. Ol úshin turǵyn úı qurylys jınaq bankine esepke alý fýnkııasyn bere otyryp, barlyq azamattardy turǵyn úı alýǵa teń múmkindikpen qamtamasyz etý úshin ákimdikterdegi qazirgi kezek júıesin reformalaý kerek jáne «turǵyn úıge muqtaj» uǵymynyń naqty krıterıılerin ázirleý qajet. Turǵyn úı qurylys jınaq bankiniń rebrendıngin júzege asyryp, «Birinshi turǵyn úımen qamtamasyz etý ortalyǵy» bazasynda «Otbasy bank» dep qaıta ataý usynylady», – dep atap ótti.

Onyń aıtýynsha, usynylyp otyrǵan reforma jumys isteıtin árbir azamatqa turǵyn úı satyp ala alatyn teń jáne túsinikti jaǵdaı jasaýǵa múmkindik beredi. Mınıstr keltirgen derekterge sáıkes, jyl basynan beri shamamen 25 myń turǵyn úı nemese 3,1 mln sharshy metr baspana paıdalanýǵa berilgen. Jyl basynan beri 15 mln sharshy metr turǵyn úı salý jáne 39 myńnan astam otbasyn memlekettik qoldaýmen qamtý josparlanǵan.

Sońǵy jańalyqtar