1 Maýsym, 20:49 383 0 Jańalyqtar Asyl TUMAR

Balalar úıi Qoldaý ortalyqtaryna aınalady

Qazaqstanda Balalar úıleri Qoldaý ortalyqtaryna aınalady. Bul týraly QR Bilim jáne ǵylym mınıstri Ashat Aımaǵambetov feısbýk-paraqshasynda jazdy.

Mınıstrdiń dereginshe, 10 jyl ishinde, naqty aıtqanda, 2010 - 2020 jyldary balalar úıleriniń tárbıelenýshileriniń sany 70 paıyzǵa, 14 052 adamnan 4193-ke deıin qysqardy. Al balalar úıiniń jelisi 210-nan 101-ge deıin, ıaǵnı 52 paıyzǵa azaıyp otyr. Al sońǵy 4 jyl ishinde balalar úıi tárbıelenýshileriniń sany 42 paıyzǵa, 7 236 adamnan 4 193-ke kemidi. Balalar úıiniń jelisi 140-tan 101-ge, ıaǵnı 28 paıyzǵa qysqardy.

«Aıta keterligi, Balalar úıleri Qoldaý ortalyqtaryna aınalady. Bul jumysqa azamattyq qoǵam belsene atsalysýda. «Tálimgerler» men «Analar úıi» sııaqty jobalardy da erekshe atap ótkim keledi. Dese de túıtkildi máseleler boıynsha jumys áli de júrgizilip jatyr«, - dedi Ashat Aımaǵambetov.

Sonymen qatar ol memleketimizde bilim alý quqyǵyna basa nazar aýdarylatyndyǵyn, qazir elimizde 5 mıllıon balany qamtıtyn 20 myń bilim berý uıymy jumys istep jatqanyn atap ótedi.

Sońǵy jańalyqtar