1 Maýsym, 18:51 581 0 Jańalyqtar Asyl TUMAR

Erlan Saırov: Qazaqstanǵa qaraǵanda kórshilerimizdiń shekara máselesi áli kúrdeli

31 mamyrda Qyrǵyzstannyń Batken oblysynda Ózbekstanmen shekaralas aýmaqta 10 adam arasynda qaqtyǵys boldy. Qyrǵyzstannyń Chechme aýyly men Ózbekstannyń Chashma aýyly turǵyndarynyń arasynda daý shyqty. Bul másele týrasynda qoǵam belsendisi, saıasattanýshy Erlan Saırov feısbýk-paraqshasynda pikir bildirdi. 

Qyrǵyz-ózbek qaqtyǵysy oryn aldy. Ekeýi de baýyrlas elder, ekeýi de ómir boıy eginshilikpen aınalysyp kele jatqan eńbekqor halyq.

Bizdi ortaq tarıh, ádet-ǵuryp, salt-dástúr baılanystyrady. Bolmys-bitimimen bizge týys memleketterdiń jer-sý daýy úshin qaqtyǵysyp jatqanyn kórip kóńiliń qulazıdy eken.

Búgingi zamannyń tragedııasy.

Bul eki el arasyndaǵy shekara máselesi kúni búginge deıin rettelgen joq.

Keńes dáýirinde, baýyrlas memleketterdiń shekaralary belgilenip jatqan ýaqytta, ár respýblıkada basqa ult ókilderi ómir súretin aýmaqtar (anklav) qalyp ketti. Budan etnıka aralyq qaqtyǵystar týyndap otyrdy jáne áli kúnge deıin jalǵasýda.

Qazaqstan shekaralas memleketterdiń eshbirimen qaqtyǵysqan joq, óıtkeni, barlyq kórshisimen shekara máselesi rettelgen.

Elbasy N.Nazarbaevtyń saralanǵan ári sarabdal saıasaty men dıplomatııalyq durys qadamdarynyń arqasynda biz kórshiles eldermen shekara máselesin sanaly hám beıbit túrde sheship aldyq. Barlyq qujattar rásimdelgen jáne BUU-nyń qorynda (depozıtarıı) saqtaýly.

Bul iste óskeleń urpaq úshin Elbasynyń sińirgen eńbegi zor.

Biz álem kórinisi ózgeris taýyp, ekinshi dúnıejúzilik soǵystan keıin jahandyq ahýal quldyrap jatqan qıyn kezeńde ómir súrip jatyrmyz.

Bul kezeńde tarıhı hám dástúrli terrıtorııalyq shekaramyzdy negizdep alý – asa mańyzdy aspekt desek, biz bul máseleni ýaqtyly sheshtik, endi órkenıet deńgeıinde bul baǵytymyzdan taımaýymyz qajet.

Qıyn kezeń...

Sońǵy jańalyqtar