1 Maýsym, 16:09 432 0 Aımaq Araılym Bımendıeva

«Qordaı» ótkizý beketiniń rekonstrýkııasy bıyl aıaqtalady

Jambyl oblysynda qazaq-qyrǵyz shekarasyndaǵy «Qordaı» ótkizý beketin rekonstrýkııadan ótkizý jumystary jalǵasyp jatyr. Beket kelesi jyldan bastap táýligine 2 500 kólik pen 23 myń adamdy ótkize alady.

Joba uzyndyǵy 137 metrlik 8 jolaqty qozǵalys bóligin, ótkizý termınaldaryn, baqylaý-ótkizý pýnktin, shekara qyzmetiniń ǵımaraty men ótkizý beketiniń basqa da nysandaryn qaıta jańartýdy qarastyrady. Budan bólek, bıyl mamandar tekserý sharalaryn jyldam júzege asyrýǵa arnalǵan jańa ınspekııalyq tekserý kesheniniń qurylys jumystaryn oryndaıdy. Búgingi tańda qurylys jumystaryna qajetti tehnıkanyń barlyǵy jumyldyrylyp, qurylys materıaldary jetkizilgen. Qaıta jańartý jumystaryna 127 adam men 15 tehnıka tartyldy. Ótkizý beketin rekonstrýkııalaý aýdany 3,5 ga.

Jol-qurylys maýsymy qyzǵan shaqta «Qordaı» ótkizý beketi tek jaıaý júrginshiler úshin saǵat 6:00-dan 24:00-ke deıin jumys isteıdi. Avtokólikter kórshiles «Qarasý», «Sortóbe» jáne «Aýqatty» beketteri arqyly ótkizilip jatyr. Atalmysh ótkizý beketterine kirý joldary jaqsy jaǵdaıda. Bekettegi jóndeý jumystaryn osy jyldyń sońyna deıin aıaqtaý josparlanyp otyr.

Sońǵy jańalyqtar