1 Maýsym, 09:53 530 0 Jańalyqtar Asyl TUMAR

Beıbit jınalystar týraly jańa zań 6 maýsymda kúshine enedi

Qazaqstan Respýblıkasy Aqparat jáne qoǵamdyq damý mınıstrligi 2020 jylǵy 25 mamyrda Memleket basshysynyń «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańǵa qol qoıǵanyn habarlady.

«Zań alǵash resmı jarııalanǵan kúnnen keıin on kúntizbelik kún ótken soń qoldanysqa engiziledi. Zań 2020 jylǵy 26 mamyrda jarııalandy, sáıkesinshe 2020 jylǵy 6 maýsymda kúshine enedi», – delingen habarlamada.

Málimetke saı, 2020 jylǵy 6 maýsymǵa deıin «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstraııalar uıymdastyrý men ótkizý tártibi týraly» 1995 jylǵy 17 naýryzdaǵy Qazaqstan Respýblıkasynyń Zańy óz kúshinde qalady.

Osyǵan baılanysty beıbit jınalystar týraly habarlamalar men kelisýdi alý týraly ótinishterdi joldaý «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańy kúshine engennen keıin múmkin bolady.

Sońǵy jańalyqtar