31 Mamyr, 14:45 626 0 Jańalyqtar Asyl TUMAR

Munaı óndiretin kompanııalarda jumysshylar qysqartylmaıdy

Sýret ǵalamtordan alyndy
Sýret ǵalamtordan alyndy

Mańǵystaý oblysynyń ákimi Serikbaı Trumov «QazMunaıGaz» UK» AQ Basqarma tóraǵasy Alık Aıdarbaevpen kezdesti.

QazAqparattyń jazýynsha, Ulttyq kompanııanyń enshiles kásiporyndary basshylarynyń qatysýymen ótken jıynda koronavırýsqa qarsy is-sharalar men aımaqtaǵy kásiporyndardaǵy jumys oryndarynyń saqtalý máselesi sóz boldy.

Alık Aıdarbaevtyń aıtýynsha, álemde munaı baǵasy quldyrady. Munaı óndirýshi kompanııalardyń barlyǵy onyń zardabyn tartyp jatyr. Soǵan qaramastan «QazMunaıgaz» UK» akıonerlik qoǵamynyń ókilderi daǵdaryspen kúres maqsatynda arnaıy baǵdarlama ázirledi. Atalmysh qujat kompanııanyń osyndaı daǵdarys kezindegi shyǵyndaryn azaıtyp, odan keıin de damýǵa jol salady.

«Qazmunaıgaz» kompanııasynyń basty maqsaty – qazir qyzmetkerler sanyn qysqartpaý. Jaǵdaı kúrdeli, soǵan qaramastan kompanııa ujymdy jumyssyz qaldyrmaýǵa tyrysyp otyr.

Alık Aıdarbaevtyń aıtýynsha, qazirgideı qıyn shaqta jumysty qaıta uıymdastyrý mańyzdy. Shyǵyndardy da qysqartpasa blmaıdy. «Sol sebepti biz osy baǵyttaǵy jumystardy bastap kettik. Iaǵnı kompanııa qysqartqan shyǵyn kólemi 146 mlrd teńgeni qurady. Sonyń ishinde kúrdeli shyǵyndardy 103 mlrd teńgege, operaııalyq shyǵyndardy – 26 mlrd teńgege, ákimshilik shyǵyndardy – 17 mlrd teńgege azaıttyq, áli de qysqartamyz. «QazMunaıGazdyń» ortalyq apparatynda kóptegen ózgerister jasadyq. Uıymdastyrý qurylymyn 34 paıyzǵa qysqarttyq. Ózderińiz bilesizder, buryn bizde 22 basqarýshy (ýpravlıaıýıı) dırektor bolatyn. Qazir olardyń bireýi de joq. 60 departament bolatyn, olardy da qysqartyp, 20-syn ǵana qaldyrdyq. Kompanııa basshylarynyń jalaqysy 30 paıyzǵa qysqardy. Orta deńgeıdegi basshylardyń jalaqysy 20 paıyzǵa azaıdy. Al qalǵan qyzmetkerlerdiń jalaqysy ózgerissiz qaldy. Odan bólek, biz syıaqymyzdan bas tarttyq. Jyl sońyna deıin eshqandaı syıaqy, bonýs degen bolmaıdy», – dedi Basqarma tóraǵasy.

Bul rette ol osyndaı sharalardyń nátıjesinde basshylardyń tabysy 50 paıyzǵa qysqarǵandyǵyn aıtty.

«Biz 50 mlrd teńge únemdedik. Biraq óndiristik personaldyq qysqartpaımyz», – dep atap ótti Alık Aıdarbaev.

Sondaı-aq onyń sózinshe, álemdegi epıdemıologııalyq jaǵdaı kúrdelene bastaǵanda-aq kompanııa daǵdaryspen baılanysty jaǵdaıdy basqarý boıynsha komanda jasaqtap, qalyptasqan jaǵdaıǵa turaqty monıtorıngi júrgizip otyrý úshin jedel shtab qurdy.

Barlyq kásiporyndarda kúsheıtilgen sanıtarlyq rejım qolǵa alyndy, qyzmetkerler qashyqtan jumys istep jatyr, vahta merzimin uzartý men basqa da is-sharalardy qamtıtyn qatań profılaktıkalyq is-sharalar júzege asyrylyp jatyr. Sondaı aq, jıynda munaı kompanııasynyń basshylary vahtashylardyń burynǵy 15/15 jumys kestesine qaıta oralǵysy keletinin alǵa tartty. Óńir basshysy vahta kestesiniń burynǵy qalpyna keltirý usynysyn qarastyratyn aıtty.

Sońǵy jańalyqtar