30 Mamyr, 20:42 434 0 Qoǵam Anar LEPESOVA

Almatyda balabaqshalardyń ashylýy: ata-analarǵa qandaı talap qoıylady?

1 maýsymnan bastap Almaty qalasyndaǵy balabaqshalarda kezekshi toptar jumys isteı bastaıdy. 

Qalalyq ákimdiktiń habarlaýynsha, balabaqshalardyń karantın kezinde talapqa saı jumys isteýin qadaǵalaý úshin quramyna epıdemıolog-mamandar, Taýarlar men qyzmetterdiń sapasy men qaýipsizdigin baqylaý departamentiniń qyzmetkerleri, aýdandyq ákimdikter men «Nur Otan» partııasynyń jáne qoǵamdyq uıymdardyń ókilderi kirgen 9 monıtorıngtik top qurylǵan.

Búginde monıtorıngtik top músheleri mektepke deıingi uıymdardaǵy kezekshi toptardyń daıyndyǵyn tekserip jatyr. Balabaqshalar daıyndyq aktisin alǵannan keıin ǵana balalardy qabyldaı alady.

Jumysyn bastaıtyn balabaqshalar sanıtarlyq-epıdemıologııalyq talaptardy qatań saqtaýǵa mindetteledi. Atap aıtqanda:

- balalardy kezekshi toptarǵa ýchaskelik pedıatrdyń densaýlyǵy týraly bergen anyqtamasymen qabyldaý, odan keıin bala 3 jumys kúninen artyq bolmaǵan jaǵdaıda tekserip qabyldaý;

- balany mektepke deıingi uıymdarǵa myna sanattaǵy tulǵalardyń ákelýine bolmaıdy: sońǵy 14 kúnde koronavırýs jaǵdaılary tirkelgen shet elderden jáne óńirlerden kelgen tulǵalar, júkti áıelder, 65 jastan asqan tulǵalar, ótkir respıratorlyq aýrý belgileri baıqalǵan tulǵalar;

- qyzmetkerlerdi jumysqa COVID-19-ǵa (PTR, kúni 7 kúnnen keshiktirilmegen) zerthanalyq zertteýdiń teris nátıjesi bolýy usynylady.

Aıta keteıik, buǵan deıin Nur-Sultan qalasyndaǵy balabaqshalar 1 maýsymnan bastap qalypty rejımde jumys isteıtinin habarlaǵanbyz.

 

Sońǵy jańalyqtar