30 Mamyr, 18:42 361 0 Jahan Anar LEPESOVA

8 maýsymda Nıý-Iorktegi shekteý sharalary alynady

A U.S. flag hangs on the front of the New York Stock Exchange before the day's trading starts in New York, U.S., March 16, 2020. REUTERS/Lucas Jackson
A U.S. flag hangs on the front of the New York Stock Exchange before the day's trading starts in New York, U.S., March 16, 2020. REUTERS/Lucas Jackson

8 maýsymda AQSh-tyń Nıý-Iork qalasyndaǵy shekteý sharalary alynady. Bul týraly shtat gýbernatory Endrıý Kýomo málimdedi, dep habarlaıdy CBS News telearnasy.

«Qalanyń ashylýy bári burynǵydaı bolady degen sóz emes. Ómir – ótkenge qaıta oralý emes, alǵa jyljý. Qaýipsizdikke basa kóńil bólinetin bolady.  Adamdar áleýmettik qashyqtyqty saqtap, maska kııýge mindetti», – dedi gýbernator.

Gýbernatordyń aıtýynsha, 8 maýsymnan bastap Nıý-Iork pen shtattyń soltústiginde ornalasqan 5 aýdan karantındik shekteýlerdi jeńildetýdiń ekinshi kezeńine kóshedi. Oǵan sáıkes, shashtaraz sekildi shaǵyn kásiporyndar qyzmetin qaıta bastaıdy. Shekteý sharalarynyń jeńildeýine baılanysty aımaqta 400 myńǵa jýyq azamat jumysqa qaıta oralmaq.

Aıta keteıik, Djons Hopkıns ýnıversıtetiniń sońǵy deregi boıynsha AQSh-ta koronavırýs juqtyrǵandar sany 1,7 mıllıonnan asyp jyǵyldy. Indetten 102 myńnan asa adam kóz jumǵan.

Al álem boıynsha 5,9 mln adamnan koronavırýs anyqtaldy. Qaterli vırýs juqtyrǵandardyń 365 myńnan astamy qaıtys boldy.

Sońǵy jańalyqtar