30 Mamyr, 15:00 633 0 Jahan Anar LEPESOVA

Pýtın 24 maýsymdy demalys kúni dep jarııalady

Reseı prezıdenti Vladımır Pýtın 24 maýsym – Jeńis sherýleri kúnin demalys dep jarııalap, qyzmetkerlerdiń eńbekaqysy saqtalatynyn málimdedi. Bul týraly Kremldiń saıtynda jarııalandy.

Memleket basshysynyń jarlyǵynda sherý Máskeýde jáne Reseıdiń ózge qalalarynda saǵat 10.00-de bastalatyny, al saǵat 22.00-ge artıllerııalyq otshashý josparlanǵany aıtylǵan. Budan bólek, Pýtın Qorǵanys mınıstrligine áskerı sherýler men otshashý ótkiziletin oryndardy belgileý týraly tapsyrma berdi.

Koronavırýs pandemııasyna baılanysty 9 mamyrǵa josparlanǵan shara keıinge shegerilgen bolatyn. Jyldaǵydaı sherýlerdiń ornyna bıyl Reseı qalalarynda avıaııalyq sherý ótti. Sondaı-aq, birnege onlaın sharalar uıymdastyryldy. Keıinirek Vladımır Pýtın Jeńis sherýi 24 maýsymda ótetinin málimdedi.

Aıta keteıik, sońǵy táýlikte Reseıdiń 84 óńirinde 8572 adamnan koronavırýs anyqtaldy. Pandemııa bastalǵaly elde 387 myńnan astam naýqas tirkeldi. Indetten 4555 adam qaıtys boldy.

Al álemde koronavırýs juqtyrǵandar sany 5,9 mln adamǵa jetti.

Sońǵy jańalyqtar