30 Mamyr, 14:34 365 0 Jahan Anar LEPESOVA

Londonnyń qoǵamdyq kólik júıesin jandandyrýǵa 2 mlrd dollar bólinedi

Ulybrıtanııa úkimeti Londonnyń qoǵamdyq kólik júıesin qoldaýǵa 1,6 mlrd fýnt (1,95 mlrd dollar) bóledi. Bul qarjy qaladaǵy Transport for London (TfL) kólik operatoryna beriledi, dep habarlaıdy BBC.

El bıligi bólingen qarajat pandemııa saldarynan daǵdarysqa ushyraǵan jergilikti kásiporynnyń jaǵdaıyn qalpyna keltiredi degen úmitte. Úkimet Londonnyń metro júıesi jumysty tolyq kólemde jańǵyrtýy tıis degen talap qoıyp otyr. Karantınge baılanysty shaharda ondaǵan stanııa jabylyp, poıyzdardyń qozǵalys aralyǵy aıtarlyqtaı uzarǵan bolatyn.

Kólik mınıstri Grant Sheppstiń aıtýynsha, júrgiziletin jańǵyrtý jumystarynan keıin qalalyq qoǵamdyq kólikterde jolaqysy qymbattaýy yqtımal.

Aıta keteıik, Ulybrıtanııada koronavırýs juqtyrǵandar sany  271 myńnan asty. Sońǵy táýlikte 2 myńnan astam adamnan indet anyqtaldy. Pandemııa bastalǵaly elde qaterli vırýstan 38 myńnan astam adam kóz jumdy.

Sońǵy jańalyqtar