30 Mamyr, 10:06 747 0 Jańalyqtar Anar LEPESOVA

COVID-19: Brazılııada eki antırekord tirkeldi

Brazılııada ótken táýlikte 26 417 adamnan koronavırýs anyqtaldy. Mundaı kórsetkish buǵan deıin álemniń eshbir elinde tirkelgen emes.

Memleket bir táýlik ishinde tirkelgen ólim sany jóninen de antırekord ornatty. Bir kúnde 1156 naýqas kóz jumǵan.

Búginde Brazılııada koronavırýsqa shaldyqqandar sany jóninen álem boıynsha AQSh-tan keıingi ekinshi orynda. Elde qaterli vırýs juqtyrǵandar qatary 465 myńnan asyp jyǵyldy. Indetten 28 myńǵa jýyq adam qaıtys boldy.

Mamandardyń aıtýynsha, shynaıy kórsetkish budan áldeqaıda joǵary bolýy múmkin. Óıtkeni el turǵyndaryn testileý jumystary mardymdy emes.

Aıta keteıik, Djons Hopkıns ýnıversıtetiniń sońǵy deregi boıynsha álemde 5 924 275 adam koronavırýs juqtyrǵan.  Pandemııa bastalǵaly dúnıe júzinde 465 166 naýqas kóz jumdy.

Al Qazaqstanda sońǵy táýlikte 450 adamnan koronavırýs anyqtalyp, indet juqtyrǵandardyń jalpy sany 10382-ge jetti. Indet qurbandarynyń sany – 37.

Sońǵy jańalyqtar