29 Mamyr, 18:56 420 0 Aımaq Anar LEPESOVA

Pavlodarda ekobazar ashyldy

«Bıznestiń jol kartasy» baǵdarlamasy aıasynda iske qosylǵan jańa bıznes nysanynda ekologııalyq taza ónimder satylady, dep habarlaıdy pavlodarnews.kz.

– Jańa saýda nysany jumys oryndaryn quryp, óndirýshilerge aýyl sharýashylyǵy taýarlaryn tikeleı satýǵa múmkindik beredi, - deıdi Eso Bazaar dırektory Egor Merkýlov.

–Taýarlardyń sapasy men baǵasy baqylaýda bolady. Bul ereje jalǵa alýshylarmen jasalǵan shartta jazylǵan. Eger baǵanyń joǵarylaǵanyn nemese ónimniń sapasynyń tómendigin baıqasaq, jalǵa alýshylarmen jumysymyzdy toqtatamyz. Jańa bazardyń saýda alańdarynda 24 jalǵa alýshy kókónis, sút jáne et ónimderi, bakaleıa jáne sharap-araq ónimderin satady. «Ádil» ShQ Aqqý aýdanynan kún saıyn jańa et jetkizýdi kózdep otyr. Sharýashylyq basshysy Qýanysh Muratovtyń aıtýynsha, kúnine eki iri qara mal, sondaı-aq ortasha baǵamen kelisi 2300 teńgege jylqy eti men 2200 teńgege sıyr etin ákeledi. Sharbaqty aýdanynyń Hmelnıkoe aýylynan «Esentaeva» JK sóresinde ártúrli sút ónimderiniń 14 túri - tuzy bar jáne tuz qosylmaǵan qoldyń maıy, qaımaq, kilegeı, súzbe, sút, qurt pen qymyzdyń birneshe túrin ákelgen. Jeke kásipker Ánel Esentaeva jańa ónim kúndelikti jetkiziletinin atap ótti.

1

Oǵan qosa, «Mır vkýsov ı aromatov» fırmasy dámdeýishterdiń 132 túrin usynady. Eso bazaar alańynda saıajaı ónimderin satý josparlanǵan. Ony saıajaıshylardan kóterme saýdamen satyp almaq. Sondaı-aq, saýda sóreleri men fýd-kort ornalasatyn ekobazar ǵımaratynyń ekinshi qabatyn iske qosý josparlanyp otyr.

-Eso bazaar oblystaǵy azyq-túlik qaýipsizdigin arttyrady, - deıdi óńirlik kásipkerlik jáne saýda basqarmasy basshysynyń orynbasary Medet Shoqanov.

6

-Munda qolaıly baǵa boıynsha azyq-túlik taýarlarynyń negizgileri kórsetilgen. Eger kásipkerler turaqtandyrý qorynan ónimdi satýǵa nıet bildirse, biz ony jetkizýge daıynbyz. Aıta keteıik, jańa saýda nysany demalyssyz saǵat 9:00-den 21:00 deıin jumys isteıdi.

Sońǵy jańalyqtar