29 Mamyr, 17:43 531 0 Kólik Anar LEPESOVA

1 maýsymnan bastap 54 jup poıyzdyń qozǵalysy jandanady

Elimizde jolaýshylar poıyzdarynyń qozǵalysyn jandandyrý úsh kezeńde boıynsha júzege asyrylady. 

Bul týraly QR IIDM Kólik komıteti tórǵasynyń orynbasary Jánibek Taıjanov málimdedi.

«Jalpy, tótenshe jaǵdaı kezeńinde 129 jup poıyzdyń qatynasy toqtatyldy. Qazirgi epıdemıologııalyq jaǵdaıǵa sáıkes, Vedomstvoaralyq komıssııanyń otyrysynda el ishinde jolaýshylar poıyzdarynyń qozǵalysyn jandandyrý týraly sheshim qabyldandy. Jolaýshylar poıyzdaryn iske qosý turǵyndar suranysy men óńirlerdegi epıdemıologııalyq jaǵdaıǵa baılanysty úsh kezeńde atqarylady», - dedi J. Taıjanov.

Komıtet tóraǵasynyń aıtýynsha, 1 maýsymnan bastap 54 jup poıyzdyń qozǵalysy jandanady. Onyń ishinde bes «Talgo», 31 standartty jáne 18 qala mańy poıyzy bar.

Birinshi kezekte Nur-Sultannan – Almatyǵa, Óskemenge, Saryaǵashqa, Semeıge, Arqalyqqa, Pavlodarǵa, Petropavlǵa, Oralǵa, Jezqazǵanǵa, Qyzylordaǵa qozǵalys ashylady, sondaı-aq Almatydan – Shymkentke, Pavlodarǵa, Aqtóbege, Saryaǵashqa, Óskemenge, Jezqazǵanǵa, Oralǵa, Petropavlǵa, Qostanaıǵa baǵdarlar jandanady.

Sondaı-aq, Qyzylordadan – Semeıge, Kókshetaýǵa, Petropavlǵa qozǵalys ashylsa, Qostanaıdan – Qaraǵandyǵa, Arqalyqqa, sondaı-aq Qaraǵandy men Jezqazǵanǵa qaraı baǵdarlar iske qosylady.

Aıta keteıik, 1 maýsymnan bastap Qazaqstanda qalalar arasyndaǵy blokbeketter alynady.

Sonymen qatar,  oblys ortalyqtary men iri qalalaryna temir jol tasymaldary, sondaı-aq óńiraralyq avtobýs jolaýshylar tasymaldary qaıta jańǵyrtylady.

Al 15 maýsymnan bastap kınoteatrlardyń ashylýyna ruqsat berilmek.

 

Sońǵy jańalyqtar