29 Mamyr, 16:23 462 0 Aımaq Anar LEPESOVA

Qasym-Jomart Toqaev Aqmola oblysynda egin alqabyn aralady

Qasym-Jomart Toqaev Aqmola oblysyna sapary barysynda «Eń-Dala» jaýapkershiligi shekteýli seriktestiginiń aýyl sharýashylyǵy alqabyn aralap kórdi. Bul týraly Aqordanyń baspasóz qyzmeti habarlady.

Qazaqstan Prezıdentine agroónerkásiptiń tehnıkalyq jabdyqtalýy men ónimdi arttyrýǵa beıimdelgen jer óńdeý tehnologııalary, sondaı-aq, A.Baraev atyndaǵy astyq sharýashylyǵy ǵylymı-óndiristik ortalyǵy ázirlegen elıtalyq tuqymdy paıdalaný jóninde málimet berildi.

Aqmola oblysynyń ákimi Ermek Marjyqpaev Memleket basshysyna aımaqtaǵy agroónerkásip kesheni, egin jáne mal sharýashylyǵyn damytý jospary, sondaı-aq, elorda turǵyndaryn azyq-túlikpen qamtamasyz etý jumystary týraly baıandady.

Aýyl sharýashylyǵy mınıstri Saparhan Omarov Qasym-Jomart Toqaevqa elimizdegi kóktemgi egis jumystarynyń barysy jáne otandyq aýyl sharýashylyǵy ónimin óndirýshilerdi qoldaý maqsatynda qarjy bólý jónindegi tapsyrmalardyń oryndalýy jaıynda esep berdi.

Qazaqstan Prezıdenti memleket tarapynan agrarlyq sektordy damytýǵa basa mán berilip otyrǵanyn atap ótip, aýyl sharýashylyǵyna arnalǵan jerlerdi tıimdi paıdalanýdyń mańyzdylyǵyn aıtty.

Sońǵy jańalyqtar