28 Mamyr, 16:08 392 0 Atajurt Baqytbek Qadyr

Sheteldegi qandastarǵa bilim grantyn kóbeıtýdi usyndy

Ulttyq qoǵamdyq senim keńesiniń múshesi Asylbek Qojahmetov sheteldegi qandastarǵa kóptep grant bólýdi usyndy.

– Bizge qandastar úshin bólinetin grant­tardyń sanyn arttyrý kerek. Sebebi shettegi qazaqtardy otandyq joǵary oqý oryn­daryna tarta bilsek, olardy elde qaldyrý múmkindik­te­ri de arta túsedi, –  dedi Asylbek Qojahmetov Ult­tyq qoǵamdyq senim keńesi­niń kezekti oty­rysynda.

Sonymen qatar «Bilim jáne ǵylym mınıstr­liginiń JOO-lardy avtonomııalandyrý baǵytyndaǵy jumysyn qoldaıtynyn jetkizdi. «JOO-larǵa avtonomııalyq márte­be berý – olardyń jaýapkershiligin arttyra túsedi. Olarǵa barlyq quzyret berilýi kerek», – dedi keńes múshesi.

Bul másele týraly 30 sáýir kúni gazeti­mizdiń №17 sanynda «Qandastarǵa arnalǵan bilim granty shetel qazaǵyn atajurtqa tartýdyń eń negizgi tetigi» degen taqyrypta maqala jazylǵan bolatyn. Atalǵan maqa­lada shetelden kelgen qazaq jastary­nyń grantpen oqýǵa túsýiniń paıdasy – kóshi-qondy jandandyrýdyń birden-bir joly ekeni jáne qandastardyń bilim alýyna tıimdi tetik ekeni basa aıtylǵan edi.

Prezıdenti janyndaǵy Ulttyq qoǵam­dyq senim keńesiniń múshesi Aýyt Muqıbek áriptesi Asylbek Qojahmetovtiń sheteldegi qandastarǵa kóptep grant bólý usynysyna qoldaý bildirdi. Ol qandastar kóshiniń ekinshi tolqyny bastalýǵa jaqyn ekenin aıtady.

– Ulttyq qoǵamdyq senim keńesiniń búgin­gi úshinshi otyrysyn qoǵam ómirine tyń betburys ákeletin tarıhı oqıǵa dep aıtýǵa bolady. Pandemııa búkil jer sharyndaǵy memleketterdiń bárin basqasha standarttarmen ómir súrýge májbúr etti. Sonyń ishinde Qazaqstan da bar. Osy pandemııa barysynda Prezıdent densaýlyq saqtaý, bilim, ǵylym, aýyl sharýashylyǵy salasyndaǵy kem­shilikterdiń bárin aıtyp ótti. Sondyq­tan biz ózimizdi-ózimiz asyraý degen qaǵıdat­ty birinshi orynǵa qoıýǵa tıispiz. Ol úshin ǵylym men bilim, densaýlyq saqtaý salasyn kemeldendirý kerek. Osyǵan baılanysty Ulttyq keńestiń músheleri búgin óz tarapynan óte qundy usynystardy ortaǵa saldy.

Biraq bul kvota da azdyq etedi. Sebebi Qazaq kóshiniń ekinshi úlken tolqyny bastalaıtyn dep tur. Qazaqstanda olardy qujat­tan­dyratyn zańdyq negiz daıyn dep aıtýǵa bolady. Áıtse de, tolyqtyrar tustar da barshylyq. Máselen qandastardy baspanamen, jermen qamtý jaǵy sekildi másele­lerdi naqtylaı túsý kerek.

Qazaqstandaǵy demografııalyq toqyraý soǵan májbúrlep otyr. Ol kún de alys emes. Erteń be, búrsigúni me ol kóshtiń úlken tolqyny bastalady. Soǵan daıyn bolýymyz, eń aldymen, kelgen jastardy oqytyp, bilim berýimiz kerek. Sondyqtan meniń oıymsha, 4 paıyz grant azdyq etedi. Men ony keminde 10 paıyzǵa kóbeıtýdi usynar edim. Olar Qazaq­stanǵa qazir qajetti aýyl sharýashyly­ǵy salasyna kerek mamandyq­tardy úırenýi tıis, – dedi Aýyt Muqıbek.

Sońǵy jańalyqtar