29 Mamyr, 14:22 909 0 Zań Anar LEPESOVA

Túrkistan oblysynda 15 jyl izdeýde júrgen qylmysker ustaldy

Túrkistan oblysy PD Krımınaldyq polıııa qyzmetkerleri buryn aýyr qylmys jasaǵany úshin izdestirilgen eki qylmyskerdi qolǵa túsirdi, dep habarlaıdy óńirlik Polıııa departamentiniń baspasóz qyzmeti.

Túrkistan oblysy PD bastyǵynyń orynbasary polıııa podpolkovnıgi Qurmanbek Sahovtyń aıtýynsha, Kentaý qalasynyń PB-ne aýrýhanadan pyshaq jaraqatymen jas jigittiń jetkizilgeni jóninde habarlama kelip túsken.

Tekserý barysynda jábirlenýshi Kentaý qalasyndaǵy kafelerdiń birinde jaraqat alǵany anyqtaldy. Osy jaıt boıynsha 2005 jyly QR QK 106-baby 2-bólimine sáıkes qylmystyq is qozǵalyp, kúdiktige izdeý jarııalandy. Ol sol aralyqtarda boı tasalap, qashyp júrgen.

«Osy jyldar boıy polıııa qyzmetkerleri jedel-izdestirý sharalaryn toqtatqan joq. Olar tanystar sheńberin jáne jasyrynǵan qylmysker turatyn mekenjaıdy anyqtady. 15 jyldan keıin polıııa qyzmetkerleri izdestirilip jatqan er adamnyń izine shyǵyp, ony Túrkistan oblysynyń bir eldi mekeninen ustady.

Sondaı-aq 2015 jyly Túrkistan qalasynyń PB-ne jas áıeldiń zorlanǵany jóninde aryz kelip túsken. Osy oqıǵa boıynsha polıııada QR QK-niń 120-baby boıynsha qylmystyq is qozǵaldy. Alaıda, qylmysker qylmystyq qýdalaýdan jasyrynyp úlgergen. Bes jyl boıy 35 jastaǵy er adamdy izdestirý isi júrgizildi. 2020 jyly mamyr aıynyń ortasynda Túrkistandyq jedel ýákilder Kentaý qalasynyń mańyndaǵy saıajaı alqabynda kúdiktini ustady. Tergeý barysynda polıeıler onyń osy ýaqyt aralyǵynda Pavlodar oblysynda jasyrynǵanyn anyqtady. Ol jaqta da osyǵan uqsas qylmys jasap, oqýshy qyzdy jábirlep, týǵan ólkesine qaıta oralǵan. Zorlyqshy tergeý ızolıatorynda jáne jaqyn arada Pavlodar oblysyna etappen aparylady. Onda oǵan qatysty bizdiń áriptesterimiz sotqa deıingi tergeý amaldaryn júrgizip, kámeletke tolmaǵandarǵa qatysty zorlyq-zombylyq jasaý jaıty boıynsha isti sotqa jiberedi», deıdi Qurmanbek Sahov.

Atap óter bolsaq, jyl basynan beri Túrkistan oblysy PD polıeıleri 52 qylmyskerdi qolǵa túsirdi, olardyń 10-y aýyr jáne asa aýyr qylmystary úshin izdestirilýde júrgender.

 

Sońǵy jańalyqtar