29 Mamyr, 10:19 523 0 Kólik Anar LEPESOVA

Býrabaıda polıııa qyzmetkeri adam qaǵyp óltirip, oqıǵa ornynan qashyp ketken

Tártip saqshysynyń qatysýymen taǵy jol apaty tirkeldi.

Bul joly Aqmola oblysynda polıııa qyzmetkeri er adamdy Býrabaıǵa kire beriste qaǵyp ketken. Tólem termınalyna baryp, jolaqysyn tólemek bolǵan kisi sol jerde kóz jumǵan. Al quqyq qorǵaý qyzmetkeri oqıǵa ornynan iz sýytqan, dep habarlaıdy "KTK" telearnasy.

Nurlan Júnisov Kókshetaýdaǵy elektr jelileri torabynda baǵanalar tasıtyn júk kóliginiń júrgizýshisi bolǵan. Qaza bolar kúni tańerteńgisin Makınsk qalasyna is-saparǵa ketken. Jolda kólikten túsip tólem termınalyna jol aqysyn tólemek bolyp jaqyndaǵanda, júıtkigen kólik kep soqqan.

"40-43 metrge ushyp ketkenin aıtty. Ushqany sonshalyq, ýchede soqqannan keıin toqtamaǵan, ary qaraı ketip qalǵan. Mas bolǵan deıdi", - deıdi marqumnyń qyzy Marjangúl Núkenova.

Týysqandary "musylmandyq jolmen shańyraǵynda bir túnetip, arýlap baryp jerleı almadyq" dep ókinetinderin jetkizgen. Sebebi marqumnyń denesi bólshektenip qalǵan, máıithanadan ákele esik aldynan zıratqa jóneltipti. Al oqıǵa ornynan qarasyn batyrǵan Makınsk qalalyq jelilik polıııa bólimshesiniń bastyǵy bolyp shyqqan. Basshylary ony qyzmetinen shyǵaryp úlgeripti.

"Kóliktegi polıııa departamenti bastyǵynyń aǵymdaǵy jylǵy 27 mamyrdaǵy buıryǵymen Makınka stanııasyndaǵy jelilik polıııa bastyǵy, maıor Rollan Qanǵojın ishki ister organdarynan shyǵaryldy. Sonymen qatar Kókshetaý stanııasynyń jelilik polıııa bóliminiń bastyǵy atqaryp otyrǵan laýazymynan bosatyldy", - dedi QR IIM Kóliktegi polıııa departamenti baspasóz hatshysy Lázzát Qasymjanova.

Qazir polıııa maıory qamaýǵa alynyp, "Jol erejesin óreskel buzý" baby boıynsha tergelip jatyr.

Sońǵy jańalyqtar