29 Mamyr, 09:21 873 0 Jahan Anar LEPESOVA

Álemdegi eń qart er adam qaıtys boldy

Álemdegi eń qart er adam – ulybrıtanııalyq Robert Ýeıton qaıtys boldy, dep habarlaıdy VVS.

Robert Ýeıton Shyǵys Iorkshırdegi Hall qalasynda dúnıege kelgen. Marqum 29 naýryzda 112 jasqa tolǵan. Aqpan aıynda  112 jastaǵy japon azamaty Tıteý Vatanabe ómirden ótkennen keıin Robert Ýeıton álemdegi eń uzaq ómir súrýshi er adam retinde tanylǵan bolatyn.

Ýeıton ómir boıy ınjener bolyp jumys istegen jáne uzaq jyldar Taıvan, Japonııa jáne Kanadada issaparlarda bolǵan.

Jýrnalısterge bergen suhbatynda ol koronavırýsqa baılanysty álemdegi jaǵdaıǵa alańdaıtynyn aıtqan. "Ekinshi dúnıejúzilik soǵys kezinde  jeńis úshin ne isteý keregin jaqsy bildik, óıtkeni Cherchıll eldi biriktirdi. Al myna vırýspen qalaı kúresý keregin bilmeımiz", - depti Ýeıton.

Marqumnyń artynda eki balasy, 10 nemeresi jáne 25 shóberesi qaldy.

Aıta keteıik, álemdegi eń qart áıel – japonııalyq Kane Tanaka, ol jyl basynda 117 jasqa tolǵan týǵan kúnin atap ótti.

Sońǵy jańalyqtar