28 Mamyr, 20:30 797 0 Tulǵa Anar LEPESOVA

Keńesbaı Musaev dúnıeden ótti

Tanymal túrkolog, Ulttyq Ǵylym akademııasynyń akademıgi, professor Keńesbaı Musaev 89 jasynda dúnıeden ozdy, dep habarlaıdy  «Egemen Qazaqstan» gazeti.

Keńesbaı Musaev Túrkistan oblysyna qarasty Sozaq aýdanynda týǵan. Máskeýde jarty ǵasyrǵa jýyq jemisti eńbek etip, 320-dan astam ǵylymı eńbek jarııalady. Onyń ishinde túrkologııa máselelerine arnalǵan 14 kitaptyń avtory, «Parasat» ordeniniń ıegeri. 2004 jyly Reseı Federaııasynyń ǵylymǵa eńbegi sińgen qaıratkeri ataǵy berilgen.

Sonymen qatar ol «Túrik tili» qoǵamynyń qurmetti múshesi jáne Máskeýdegi «Qazaq tili» qoǵamynyń qurmetti tóraǵasy. Ǵalym bıyl 24 naýryzda 89 jasqa kelgen edi. Ol negizinen qypshaq tobyndaǵy tilderdiń leksıkasyn salystyrmaly-tarıhı turǵyda zerttedi. «Qaraıym tiliniń grammatıkasy» (1964), «Leksıka tıýrkskıh ıazykov» (1975), «Leksıkologııa tıýrkskıh ıazykov» (1984), «Razvıtıe termınologıı na ıazykah soıýznyh respýblık SSSR» (1986-1987) atty eki tomdyq eńbektiń jaýapty redaktory boldy ári qazaq termınologııasy bólimin jazdy.

Máskeýdegi «Qazaq tili» qoǵamynyń tóraǵasy retinde de tilge qyzmet etti. Túrkitanýshylar, tilshi ǵalymdar onyń eńbekterimen jaqsy tanys. Keńesbaı Musaev myqty leksıkolog, belgili túrkitanýshy ǵalym, qazaq lıngvısteriniń Reseıdegi belgili ókili edi.

 

Sońǵy jańalyqtar