28 Mamyr, 18:59 409 0 Zań Anar LEPESOVA

Qymbat zattar utysy týraly habarlama taratqan alaıaq 40 adamdy aldap soqqan

Pavlodar oblysynda ınternet alaıaqtyqtyń eń kóp taralǵan túri – ınternette múlikti satý men jalǵan utystar týraly habarlamalardy taratý, dep habarlaıdy Pavlodarnews.kz.

Bıyl 4 aı ishinde oblysta 250 alaıaqtyq faktisi tirkeldi. Olardyń 70-80%-y ınternet alaıaqtyq sanatyna jatady.

«Alaıaqtar azamattardyń senimin paıdalana otyryp, qunyn tómendetip, qandaı da bir múlikti satý týraly habarlandyrýlar jarııalaıdy», - dedi onlaın konferenııa barynda oblystyq PD bastyǵy Nurlan Másimov.

Qarajatyn únemdegisi keletin halyq mundaı arandatýlarǵa aldanyp qalady. Sondaı-aq jalǵan utystar týraly habarlamalarǵa senedi. Mysaly, mamyr aıynyń basynda oblys ortalyǵynda jalǵan SMS jibergen 36 jastaǵy turǵyn ustaldy. Ol túrli uıymdardyń qyzmetkeri bolyp, qymbat gadjetterdiń, turmystyq tehnıkanyń, avtokóliktiń utysy týraly habarlaǵan. Buǵan Pavlodar oblysynan ǵana emes, barlyq óńirlerden de 40-tan astam azamat aldanyp qalǵan.

PD bastyǵy sondaı-aq jergilikti alaıaqtar basqalardyń attaryna onlaın-nesıe rásimdeıtin faktiler bar ekenin atap ótti.

«Internettegi alaıaqtyqty anyqtaý qıyn. Óıtkeni olar ártúrli saıttar qoldanady. Qujattardy basqa bireýlerdiń atyna rásimdeıdi. Búkil júıeni ashý óte qıyn. Osyndaı jaǵdaılar boıynsha jumys istep jatyrmyz. Bizde arnaıy alaıaqtyq bólim bar. Biraq men olardyń jumysynyń barlyq qupııalaryn aıta almaımyn», - deıdi Nurlan Másimov.

Polıııa departamenti elektrondy jeke shottarǵa nemese «ámııandarǵa» aqsha aýdarý arqyly utys salyǵy tólenbeıtinin eske salady. Sondaı-aq jeke málimetter men banktik shottar týraly aqparatty bermeýge keńes beredi.

Sońǵy jańalyqtar