28 Mamyr, 16:14 424 0 Saıasat Anar LEPESOVA

Qasym-Jomart Toqaev Nurlan Ermekbaevtyń esebin tyńdady

Qazaqstan Prezıdenti – Qarýly Kúshterdiń Joǵarǵy Bas qolbasshysyna Qazaqstan armııasynyń shtattyq qurylymyn ońtaılandyrý maqsatynda júrgizilip jatqan jumystar, qarý-jaraqtardy, áskerı tehnıka men oq-dárilerdi ınventarızaııalaý jáne tekserý, koronavırýs indetiniń taralýyna qarsy kúres, sondaı-aq, júzege asyrylyp jatqan iri ınfraqurylymdyq jobalar týraly baıandaldy.

Bul týraly Aqordanyń baspasóz qyzmeti habarlady.

Qorǵanys mınıstri Memleket basshysyna qazirgi ýaqyttaǵy syn-qaterlerdi eskere otyryp, Qarýly Kúshterdiń jańa kelbetin qalyptastyrý, túrli tabıǵı jáne tehnogendik tótenshe jaǵdaılardy joıý kezinde áskerı qyzmetshilerdi jumyldyrý múmkindigi men qajettigi jaıynda málimet berdi.

Sonymen qatar Qasym-Jomart Toqaev Nurlan Ermekbaevtyń áskerı bólimshelerdiń daıyndyǵy, memlekettik qorǵanys salasyndaǵy tapsyrys máseleleri, bıýdjet múmkindikterin eskere otyryp, áskerı tehnıkamen jabdyqtaý, Qorǵanys mınıstrligin avtomattandyrý jáne ıfrlandyrý jónindegi esebin tyńdady.

Joǵarǵy Bas qolbasshy elimizdiń qorǵanys qabiletin kúsheıtýdi, Qarýly Kúshterdiń jabdyqtalýyn jaqsartýdy, shyǵyndardy ońtaılandyrýdy, áskerı qyzmetshilerdiń bilim deńgeıin kóterip, biliktiligin arttyrý múmkindikterin pysyqtaýdy tapsyrdy.

 

Sońǵy jańalyqtar