28 Mamyr, 16:43 795 0 Aımaq Araılym Bımendıeva

Atyraýda kópbalaly otbasylarǵa 119 jaldamaly páter satyp alynady

Atyraý oblysy Qurylys basqarmasy basshysynyń mindetin atqarýshy Nurjan Myrzabolatovtyń aıtýynsha, Atyraýda kópbalaly otbasylar úshin arendalyq 119 páter satylyp alynbaq.

«Nurly jer» memlekettik baǵdarlamasynyń basty maqsaty – biregeı turǵyn úı saıasatyn júzege asyrý. Aǵymdaǵy jyldyń tórt aıynda 1 312 páter nemese 152,6 myń sharshy metr úı paıdalanýǵa berildi. Turǵyn úı qurylysyn jalǵastyrý maqsatynda aımaqta 1 400 ga bolatyn aýmaq bólindi. Kóp qabatty 513 turǵyn úı qurylysyn salý josparlanyp otyr» dedi Nurjan Myrzabolatov.

Qazirgi tańda oblysta 24 turǵyn úı qurylysy, ıaǵnı 2 258 páter salynyp jatyr. Onyń ishinde jyl aıaǵyna deıin 1 326 páter, ıaǵnı 10 úı paıdalanýǵa beriledi dep kútilýde.

Spıkerdiń aıtýynsha, óńirlerdi damytý baǵdarlamasy aıasynda Atyraýda kóp qabatty 128 úı jóndeýden ótti. Tek ótken jyly ǵana jergilikti bıýdjet esebinen 13 úı jóndeldi.

Sonymen birge, «Nurly jer» baǵdarlamasy aıasynda 30 úıge kúrdeli jóndeý jasalady.

Sońǵy jańalyqtar