28 Mamyr, 16:11 929 0 Zań Anar LEPESOVA

Aqtóbelik sheneýnik paramen ustaldy (vıdeo)

Aqtóbe qalasy ákimi apparatynyń laýazymdy tulǵasy paramen ustaldy.

Sybaılas jemqorlyqqa qarsy is-qımyl agenttigi sheneýnikti ustaý vıdeosyn jarııalady, dep habarlaıdy Sputnik Qazaqstan.

Vıdeoda quqyq qorǵaýshylardyń sómkeden eki býma aqshany alyp shyqqanyn kórýge bolady. 10 000 teńgelik kýpıýralardy úsh ústelge jaıyp tastady.

Agenttiktiń asa mańyzdy ister jónindegi tergeýshisi Danııar Bıǵaıdarovtyń aıtýynsha, ustalǵan sheneýnik – "Aqtóbe qalasy ákiminiń apparaty" memlekettik mekemesinde isteıtin jetekshilerdiń biri. Ol mekeme qyzmetkerleri men jeke kásipkerlermen aldyn ala sóz baılasý arqyly 9,9 mıllıon teńgeniń bıýdjet qarajatyn jymqyrǵany úshin aıyptalyp otyr.

"Laýazymdy tulǵa 2019 jyldyń qazan aıy men 2020 jylǵy naýryz aıy aralyǵynda memlekettik satyp alýlar boıynsha jalǵan kelisimsharttar jasap, bıýdjet qarajatyn urlaǵan. 6 naýryz kúni ol merdigerlik uıymdardan 1,9 mıllıon teńgeni alý kezinde ustaldy", – deıdi Bıǵaıdarov.

Onyń aıtýynsha, sheneýnikti eki aıǵa qamaýǵa aldy. Tergeý sharalary jalǵasýda. Sońǵy sheshimdi sot shyǵarady.

;feature=emb_logo

Sońǵy jańalyqtar