28 Mamyr, 15:51 354 0 Jahan Anar LEPESOVA

"Týrısterden qorqamyz": Sochı turǵyndary qalany jabýdy talap etýde

Reseıdiń Sochı qalasynyń turǵyndary jergilikti bıliktiń maýsymnyń basynda kýrottyq maýsymdy ashý týraly sheshimine qarsy shyqty. Sochılyqtardyń pikirinshe, koronavırýs pandemııasy kezinde bul durys sheshim emes, dep habarlaıdy «Kavkazskıı ýzel» basylymy.

«Biz syrttan keletinderden qorqamyz. Demalýshylar nópiri qaýipti. Indettiń taralýy toqtaǵansha qalany jabý kerek», — deıdi basylymǵa pikir bildirgen jergilikti turǵyndardyń biri.

Al qaladaǵy restoratorlardyń biri qazirgideı kúrdeli ahýal kezinde týrıstik maýsymdy ashý aqylǵa syımaıtynyn aıtady. «Meniń bıznesim qurdymǵa ketti. Biraq onda eshkimniń jumysy joq», — deıdi ol.

Alaıda Sochıǵa eldiń basqa óńirlerinen turaqty jáne ýaqytsha týrýǵa kelgender qalany jabý bıyl onsyz da kóp ıgilikten qaǵylǵan reseılikterdi qýanta qoımaıtynyn aıtypty.

27 mamyrda reseılik týrıster pandemııaǵa qaramastan jazda jappaı teńiz jaǵasynda demalýdy josparlap otyrǵany týraly habarlanǵan. OneTwoTrip saıahat qyzmeti júrgizgen zertteýge súıensek, eń kóp suranysqa ıe kýrorttyq qalalar – Sochı men Anapa. Sondaı-aq, Máskeý, Sankt-Peterbýrg, Krasnodar men Sımferopolǵa barǵysy keletinderdiń qatary da az emes eken.

Sońǵy jańalyqtar