28 Mamyr, 15:20 3798 0 Jańalyqtar Anar LEPESOVA

Dúkenderdegi qaımaq quramynan antıbıotıkter tabyldy

Reseılik óndirýshiler óndirgen keıbir qaımaq túrleriniń quramynan antıbıotıkter, ashyqty jáne ósimdik maılary tabyldy. Bul týraly "Roskachestvo" júrgizgen tekserý barysynda belgili boldy, dep habarlaıdy Life.ru.

Uıym saıtynda jarııalanǵan habarlamaǵa súıensek, zertteýge  maılylyǵy jıyrma paıyzdy quraıtyn 7 ónim qatysqan: : "Blagoda", "Vologodskoe leto", "Pestravka", "Domık v derevne", "Rostagroeksport", "36 kopeek" ı "Prostokvashıno".

"Blagoda"  kompanııasy óniminiń quramyn tekserý barysynda ósimdik maılary, antıbıotıkter jáne ashyqty anyqtalǵan. Mamandardyń aıtýynsha, mundaı ónimdi qaımaq dep ataýǵa bolmaıdy. Tekserý nátıjesinde óndirýshiniń reıtingi quldyrady.

"Domık v derevne" óndirgen qaımaqtyń quramynan da antıbıotık izderi tabyldy. Zań turǵysynan buǵan ruqsat berilgenimen,  mundaı qospalar "Roskachestvo" talaptaryna saı kelmeıdi.

Tekserýge alynǵan ózge markalardyń ónimi mamandardyń kóńilinen shyqqan.  Ásirese, "Prostokvashıno"  jáne "Rostagroeksport" kompanııalarynyń  qaımaǵy sapaly dep tanyldy.

Sońǵy jańalyqtar