28 Mamyr, 12:50 661 0 Bilim Anar LEPESOVA

UBT kezinde shpargalka qoldanǵandar synaqtan birjola shettetiledi

UBT kezinde shpargalkamen ustalǵandar synaqtan shettetilip, qaıta tapsyrý múmkindiginen aırylady. Bul týraly Almaty qalalyq  bilim salasynda sapany qamtamasyz etý departamentiniń basshysy Gúlnara Ermekbaeva málimdedi. 

«UBT ótkizýdi arnaıy monıtorıng tobynyń músheleri baqylaıtyn bolady. Artyq aqparat alýǵa bolatyn zattar, smartfondar, shpargalkalar tabylǵan jaǵdaıda oqýshy testileýden avtomaty túrde alynady. Tipti odan keıin aqyly túrde tapsyrýǵa da ruqsat berilmeıdi», - dedi departament basshysy.

Gúlnara Ermekbaevanyń aıtýynsha, bıyl Almatyda UBT-ǵa 14 972 talapker qatysady. Onyń 9044-i mektep túlekteri bolsa, qalǵany – orta kásiptik bilim berý oryndarynyń bitirýshileri.

Sondaı-aq, departament basshysy mektep bitirgeni týraly attestat 3-4 maýsymda mektep qabyrǵasynda tapsyrylatynyn atap ótti. Sharaǵa ata-analardyń qatyspaýyna keńes berdi. 

Aıta keteıik, jýyrda Bilim jáne ǵylym mınıstrligi bıyl UBT-ǵa qatysýǵa nıet bildirgen mektep bitirýshilerdiń kórsetkishi jóninen rekord ornatylǵanyn málimdedi

Respýblıka boıynsha 130 myńnan astam adam UBT-ǵa qatysýǵa ótinish bergen. Onyń 20 454-i – kolledj jáne ótken oqý jyldarynyń mektep túlekteri.

Eske sala ketsek, buǵan deıin Túrkistan oblysynda UBT-ǵa 18 634 túlek qatysatynyn habarlaǵanbyz. 

 

Sońǵy jańalyqtar