27 Mamyr, 21:05 1477 0 Jańalyqtar Asyl TUMAR

Alakólde shomylý maýsymy 13 maýsymnan bastalady

Sýret ǵalamtordan alyndy
Sýret ǵalamtordan alyndy

Aıdyndy Alakólde shomylý maýsymy 13 maýsymnan bastalady. Shıpaly kól eki oblystyń aýmaǵynda ornalasqandyqtan eki óńirdiń týrıstik nysandary bir kúnde jumysyn bastaýdy josparlap otyr. Bul týraly  Almaty oblysynyń ákimi Amandyq Batalov málimdedi.

Týrısterdiń kólge jetýin jyldamdatý úshin Úsharal qalasyna Nur-Sultan, Almaty jáne Taldyqorǵan qalalarynan ushaqtar qatynaıdy. Sondaı-aq, oblys bıýdjetinen temir jol baılanysy sýbsıdııalanbaq.

Al Jetisý óńirindegi keıbir týrıstik nysandar máselen Kólsaı kólderi, Altynemel ulttyq parkteri, Uıǵyr aýdanynyń termaldy sýlarynyń demalys oryndary jumysyn birinshi maýsymnan bastamaq. Barlyq týrıstik nysan ıelerine qaýipsizdik talaptaryn qatań saqtaý mindetteledi.

«Ózimiz sýbsıdııa bólip kúnine, aptasyna emes, kúnine 5-6 ret ushaq Taldyqorǵannan Úsharalǵa qatynaıtyn bolady. 20-dan astam vagon Almatydan Aqshıge deıin týrısterdi jetkizedi», – Almaty oblysynyń ákimi Amandyq Batalov.

Esterińizge sala keteıik, jyldan-jylǵa Alakólge kelýshiler sany artýda. Máselen, osydan 5 jyl buryn demalýshylardyń sany 400 myńǵa jeter-jetpes bolsa, byltyr kólge kelgen týrısterdiń sany 1,5 mlnǵa jýyqtaǵan.

Sońǵy jańalyqtar