27 Mamyr, 17:57 1106 0 Jańalyqtar Asyl TUMAR

Bıýdjet qarajatyn jymqyrǵan bilim mekemeleriniń basshylary sottaldy

Sýret ǵalamtordan alyndy
Sýret ǵalamtordan alyndy

Qostanaı oblysynda bilim salasynda jemqorlyqqa jol bergen eki laýazymdy tulǵa qylmystyq jaýapqa tartyldy. Bul týraly búgin Qostanaı oblystyq máslıhatynyń kezekten tys sessııasynda belgili boldy, – dep jazdy QazAqparat.

Sessııa barysynda Qostanaı oblysy boıynsha Tekserý komıssııasynyń tóraǵasy Dmıtrıı Kostıýkovtyń baıandamasy tyńdaldy. Ol oblystyq bıýdjettiń oryndalý sapasy, aýdıt jáne saraptamalyq-taldaý is-sharalarynyń nátıjelerine toqtaldy.

«Bıýdjetti júzege asyrýda 435,8 mln.teńge somasynda qarjylyq buzýshylyqtar anyqtaldy. Onyń ishinde 21,2 mln teńge oblystyq uıymdar boıynsha esepke alyndy. Býhgalterlik esepti júrgizý kezinde 833,4 mln teńge retsiz nemese zańsyz jumsalǵan. 1315 qujatty rásimdeý kezinde tártip buzylǵan. Oblystyq bıýdjetten qarjylandyrylatyn obektiler boıynsha 32 zańbuzýshylyq tirkeldi», – dedi Dmıtrıı Kostıýkov.

Dmıtrıı Kostıýkovtyń aıtýynsha, qarjylyq talaptardyń buzylýyna qatysty 10 materıal quqyq qorǵaý organdaryna jiberildi. Onyń ishinde oblystyq bıýdjetten qarjylandyrylatyn 2 aýdıt nysany bar.

«Eki laýazymdy tulǵa ár túrli merzimge qylmystyq jaýapqa tartyldy. Olar 4,7 mln teńgege jýyq bıýdjet qarajatyn urlaǵany jáne ysyrap etkeni úshin sottaldy. Atap aıtqanda «Qamysty aýdany ákimdiginiń bilim bólimi» memlekettik mekemesiniń basshysy 1,1 mln teńgeni jymqyrsa, Sarykól aýdany ákimdiginiń bilim bóliminiń «Bóbek» balabaqshasy 3,6 mln teńgeni ysyrap etken. Memlekettik aýdıt qorytyndysy boıynsha tekserý komıssııasy jáne ýákiletti organdar zańbuzýshylyqtarǵa jol bergen tulǵalarǵa qatysty 170 hattama toltyrdy», – dedi Tekserý komıssııasynyń tóraǵasy.

Sońǵy jańalyqtar