27 Mamyr, 13:57 613 0 Bilim Anar LEPESOVA

Elimizde bilim granttarynyń quny 1 mln teńgege deıin kóbeıedi

Elimizde bilim granttarynyń quny 3 ese artady. Bul týraly Prezıdent Ulttyq qoǵamdyq senim keńesiniń otyrysynda aıtty. 

«Daryndy jastardyń shetelge ketý máselesine erekshe nazar aýdarǵan jón. Munyń birneshe sebebi bar. Onyń biri – joǵary bilim berý júıesiniń básekege qabiletsizdigi. Árıne bul qosymsha ınvestıııany talap etedi. Osyǵan oraı biz bilim granttarynyń ortasha qunyn 340-420 myń teńgeden 1 mıllıon teńgege deıin kóbeıtý týraly sheshim qabyldadyq. Iaǵnı, grant quny úsh ese artady. Sol arqyly oqytýshylardyń jalaqysyn kezeń-kezeńmen arttyryp, ýnıversıtetterdiń materıaldyq bazasyn nyǵaıtýǵa bolady. Bul – mańyzdy qadam. Óıtkeni grant quny 2011 jyldan beri ósken joq», - dedi Qasym-Jomart Toqaev.

Aıta keteıik, buǵan deıin Memleket basshysy Úkimetke JOO oqytýshylarynyń jalaqysyn kóbeıtýdi tapsyrdy.

Sondaı-aq, Prezıdent memlekettik tildi oqytý tıimdiligin arttyrý úshin Til komıtetin Bilim jáne ǵylym mınıstrliginiń qaramaǵyna ótkizý týraly tapsyrma berdi.

 

 

Sońǵy jańalyqtar