27 Mamyr, 12:48 448 0 Bilim Anar LEPESOVA

JOO oqytýshylarynyń jalaqysy kóbeıedi – Q.Toqaev

Elimizde JOO oqytýshylarynyń jalaqysy artady. Bul týraly Memleket basshysy Qasym-Jomart Toqaev málimdedi. 

«Qazirgi tańda kópshilik oqytýshylardyń eńbegi qanshalyqty mańyzdy ekenin túsindi dep oılaımyn. Biz «Pedagogtar mártebesi» zańy aıasynda muǵalimderdi yntalandyrý sharalaryn qarastyrdyq. Biraq is júzinde JOO jalaqysy mektep muǵalideriniń jalaqysynan az bolyp qaldy. Osyǵan oraı, Úkimet JOO oqytýshylarynyń eńbekaqysyn kóbeıtý máselesin qarastyrý kerek», - dedi Prezıdent Ulttyq qoǵamdyq senim keńesiniń otyrysynda.

Aıta keteıik, Memleket basshysynyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr.

Buǵan deıin Qasym-Jomart Toqaev pandemııa saldarynan memleket qyzmetinde jáne qoǵamdyq ómirdiń barlyq salasynda túbegeıli ózgerister bolatynyn málimdegen.

Sońǵy jańalyqtar