27 Mamyr, 10:58 325 0 Jańalyqtar Anar LEPESOVA

"Qazaqmystyń" 300 qyzmetkeri koronavırýs juqtyrǵan

Qaraǵandy oblysyndaǵy "Qazaqmys" korporaııasynyń 300 jumysshysynan koronavırýs tabyldy.

Bul aqparatty oblys ákimi Jeńis Qasymbek rastap otyr, dep habarlaıdy  Astana arnasy.

Temirtaýdaǵy "Qazaqmys" korporaııasynyń "Nurqazǵan" kenishi karantın aıaqtalǵanǵa deıin jumysyn toqtatýǵa májbúr bolǵan. Sebebi kásiporyn qyzmetkerleri arasynda koronavırýstyń taralaýy kúnnen-kúnge artqan. Endi kompanııa juqpaly aýrýdy aýyzdyqtaý úshin bar kúshin salyp, jedel sharalardy qoldanýǵa kirisken eken.

"Nurqazǵanda 300-den astam adam aýrý juqtyrǵan. Jumysshylardyń ózderi jáne olardyń otbasy múshelerinde baqylaýǵa aldyq. Kún saıyn birneshe jaǵdaı rastalyp jatyr. Ol merdigerlik jáne qosalqy merdigerlik uıymdardyń jumysshylary jáne kenshilerdiń týystary. Biz karantınnen keıin vahtalyq ádispen 14-15 kúndik jumysqa aýystyrýdy josparlap otyrmyz", – deıdi Qaraǵandy oblysynyń ákimi Jeńis Qasymbek.

Sonymen qatar óńir basshysy Buqar jyraý aýdanynyń turǵyndary karantınge qaramastan otbasylyq merekeni jasyryn túrde ótkizgenin aıtty.

"Ókinikshe qaraı, qonaqtardyń arasynda keseldi juqtyrǵan azamattarda bolǵan" , – deıdi Jeńis Qasymbek.

"Buqar jyraý aýdanynda merekelik jıyn ótkizgen úıde 27 adam bolǵan. Olardyń barlyǵynan COVID-19-ǵa saraptama júrgizildi. Nátıjesinde koronavırýstyq ınfekııa 7 qonaq pen úı qojaıynynan anyqtaldy", – deıdi Qaraǵandy oblysynyń ákimi.

Aıta keteıik, búginde jalpy Qaraǵandy óńirinde koronavırýs juqtyrǵan 662 adam tirkelgen.

Sońǵy jańalyqtar