26 Mamyr, 17:03 559 0 Jańalyqtar Asyl TUMAR

Memleket basshysy Esep komıtetiniń tóraǵasyn qabyldady

Memleket basshysy Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnovany qabyldady, – dep habarlady Aqordanyń resmı saıty.

Qazaqstan Prezıdentine elimizdegi koronavırýs pandemııasyna qarsy kúres sharalaryna bólingen qarjynyń jumsalýyna monıtorıng júrgizý jumystary jaıynda baıandaldy.

Esep komıteti basshysynyń aıtýynsha, qarjy shyǵyndaryn baqylaý eki kezeńnen turady. Birinshi kezekte Qarjy mınıstrligimen birlesip, memlekettik satyp alýlar men kameralyq baqylaýǵa tekseris júrgiziledi. Ekinshi kezeńde Esep komıteti elimizdiń 17 óńirine bıýdjettik baǵdarlamalardyń ákimshilerine revızııa jasaıdy.

Qasym-Jomart Toqaev densaýlyq saqtaý salasyna, Jumyspen qamtý jol kartasyn júzege asyrýǵa, halyqtyń áleýmettik álsiz toptaryn qoldaýǵa baǵyttalǵan bıýdjet qarjysynyń maqsatty jumsalýyn qamtamasyz etý jumystaryn jalǵastyrýdy jáne tekseris nátıjeleri týraly turaqty túrde esep berip turýdy tapsyrdy.

Sonymen qatar Memleket basshysy 2019 jylǵy respýblıkalyq bıýdjettiń atqarylýy jaıyndaǵy qorytyndy esebimen tanysty. Esep komıteti birinshi ret bıýdjettiń jıyntyqtalǵan qarjylyq esebi boıynsha aýdıt júrgizgen bolatyn.

Kezdesý qorytyndysy boıynsha Prezıdent birqatar naqty tapsyrma berdi.

Sońǵy jańalyqtar