26 Mamyr, 11:17 1596 0 Jańalyqtar Asyl TUMAR

1 maýsymnan bastap birqatar baǵyt boıynsha poıyz júre bastaıdy

Sýret ǵalamtordan alyndy
Sýret ǵalamtordan alyndy

Halyqtyń suranysyna jáne óńirlerdegi epıdemıologııalyq jaǵdaıǵa baılanysty jolaýshylar poıyzdary bıylǵy 1 maýsymnan júre bastaıdy.

QazAqparat usynǵan QR Indýstrııa jáne ınfraqurylymdyq damý mınıstrliginiń aqparatyna sáıkes, bastapqy kezde 54 poıyz qatynaı bastaıdy:

  • Nur-Sultannan – Almaty, Mańǵystaý, Óskemen, Saryaǵash, Semeı, Arqalyk, Pavlodar, Petropavl/Qyzyl tý, Oral, Jezqazgan, Qyzylorda;
  • Almatydan – Shymkent, Pavlodar, Aqtóbe, Mańǵystaý, Saryaǵash, Óskemen, Jezqazgan, Oral, Petropavl, Qostanaı;
  • Qyzylordadan – Semeı, Kókshetaý, Petropavl;
  • Qostanaıdan – Qaraǵandy; Arqalyk;
  • Qaraǵandydan – Jezqazǵan;
  • Qyzylordadan – Kókshetaý, Petropavl;
  • Mańǵystaýdan – Aqtóbe baǵyttary boıynsha jáne qalamańy qatynastary.

Ekinshi kezeń – 10 maýsymnan bastap 39 poıyzdy jolǵa shyǵarý josparlanyp otyr. Onyń ishinde:

  • Nur-Sultannan – Almaty, Atyraý, Dostyq, Oral, Aısary, Shymkent;
  • Almatydan – Atyraý, Aqtóbe, Oral, Óskemen, Túrkistan, Petropavl;
  • Atyraýdan – Mańǵystaý, Aqtóbe, Qulsary, Karabatan baǵyttary boıynsha jáne qalamańy baǵyttary.

Úshinshi kezeńde aımaqtarda sanıtarlyq-epıdemıologııalyq jaǵdaıdyń jaqsarýyna qaraı, sonymen birge kórshi eldermen keliskennen keıin 15 poıyzdy júrgizý kózdelgen:

  • Almatydan – Tashkent, Saratov, Úrimshi, Novosibir, Qazan;
  • Nur-Sultannan – Chelıabi;
  • Qaraǵandydan – Máskeý, Omby, Tomsk;
  • Atyraýdan – Astrahan baǵyttary boıynsha.

«Qazirgi kezde (osy jyly 15 mamyrdan bastap) jolaýshylar bıletteri satylyp jatyr. Barlyq ınfrastrýktýralyq nysandar sanıtarlyq talaptarǵa sáıkes tasymaldar jasaýǵa jáne quramdar saparǵa shyǵýǵa daıyn. Jolaýshylardyń jáne poıyzdardyń brıgada qyzmetkerleriniń qaýipsizdigin qamtamasyz etý úshin tasymaldar Kóliktegi memlekettik bas sanıtarlyq dárigerdiń usynymdaryna sáıkes atqarylady», – dedi mınıstrlikten.

Sońǵy jańalyqtar