25 Mamyr, 14:29 407 0 Jańalyqtar Asyl TUMAR

Mektep bitirgen soń birden oqýǵa túse almadym – Bilim mınıstri

QR Bilim jáne ǵylym mınıstri Ashat Aımaǵambetov mektep bitirýshilerine, kolledj ben ýnıversıtet túlekterine sát sapar tiledi.

Mınıstr Facebook paraqshasynda jarııalanǵan quttyqtaýynda: «2020 jyldyń túlekterine jeke toqtalǵym keledi. Qurmetti, mektep bitirýshiler, kolledj ben ýnıversıtet túlekteri! Árkim bolashaǵynyń jarqyn bolǵanyn armandaıdy. Sizder myqty ǵalym, tabysty kásipker ǵana emes, adamgershilig zor jaqsy adam, bılik tulǵa bolatyndyqtaryńyzǵa senimdimin. Táýekelge barý arqyly ǵana árkim ózi armandaǵan mamandyqtyń ıesi bola alady. Eń bastysy múmkindikterdi paıdalana bilý kerek. Esh qoryqpańyzdar. Alǵan betten qaıtpaý óte mańyzdy ekenin óz basym bilemin. Naqty qadam jasap, oıyńyzdaǵyny iske asyrý kerek», – dep jazdy.

Bilim basshysy mektep bitirgennen keıin birden ýnıversıtetke oqýǵa túse almaǵanyn aıtyp, bıylǵy túlekterdi Ulttyq biryńǵaı synaq kezinde qatty qobaljymaýǵa shaqyrdy.

«Men mektep bitirgen soń birden oqýǵa grantqa túse almadym. Odan uıalýdyń esh qajeti joq. Meniń aldymda eki tańdaý boldy. Birinshisi - aqyly túrde oqý, ekinshisi – 1 jyl daıyndalyp, keıin UBT-ǵa qaıta tapsyrý. Sol kezde 1 jyl daıyndalyp, testi qaıta tapsyramyn dep sheshim qabyldadym. 1 jyl ýaqytymdy tabandy daıyndyq pen jumysqa arnap, nátıjesinde kelesi jyly armandaǵan grantqa qol jetkizgen bolatynmyn», – dedi ol.

Sońǵy jańalyqtar