24 Mamyr, 13:43 1346 0 Jańalyqtar Asyl TUMAR

Erteń sońǵy qońyraý onlaın rejımde soǵylady

Sýret ǵalamtordan alyndy
Sýret ǵalamtordan alyndy

25 mamyr kúni elimizdiń barlyq mektebinde oqý jylynyń aıaqtalýyna oraı sońǵy qońyraý onlaın rejımde soǵylady. Bul týraly QR Bilim jáne ǵylym vıe-mınıstri Sholpan Karınova aıtty.

Mınıstrliktiń Facebook-tegi paraqshasynda onlaın rejımde apta basynda ótken apparat jınalysynda vıe-mınıstr: «Bilim salasy úshin osy apta mańyzdy ekendigin eskere otyryp, toqsandyq baqylaýlardyń durys ótkizilýin qadaǵalaý qajet. 25 mamyrda sońǵy qońyraý merekesi mindetti túrde onlaın rejımde ótkiziletindigine nazar aýdartamyz. Al 3-4 maýsym kúnderi barlyq 11-synyp túlekterine attestat tapsyrý sharalaryn uıymdasqan jáne talaptardy saqtaı otyryp ótkizýdi usynamyz», – dep atap ótken bolatyn.

Bul rette QR Bilim jáne ǵylym mınıstrligi Ashat Aımaǵambetov joǵaryda atalǵan usynystar elimizdiń Densaýlyq saqtaý mınıstrligimen kelisilgendigin aıtty.

«25 mamyrda onlaın rejıminde 1-10 synyptarǵa arnalǵan sońǵy qońyraý synyp sabaqtaryn ótkizemiz. Jyl qorytyndysyn sol jerde ár synyp boıynsha jasaýǵa, ony ártúrli ýaqytta ótkizýge bolady. Ony asyra uıymdastyrýdyń qajeti joq. Ár synyp jetekshisi qaı ýaqytta, qalaı ótkizetindigin eshqandaı esepsiz, suraýsyz jeke tártipte ótkizýi tıis», – dedi mınıstr.

Ashat Aımaǵambetov 3-4 maýsymda mektep túlekterine attestat tapsyrý sharasy kezinde sanıtarlyq talaptardyń qatań saqtalýy tıistigine erekshe nazar aýdartty.

Sońǵy jańalyqtar