23 Mamyr 2020, 20:38 979 0 Jańalyqtar Asyl TUMAR

Abaı-175: Bishkekte qyrǵyz tilindegi «Abaı» atty kitaptyń tusaýy kesildi

Sýret derekkózden alyndy
Sýret derekkózden alyndy

Bishkekte túrki álemniń tuǵyrly tulǵasy, uly oıshyl Abaıdyń 175 jyldyq mereıtoıy aıasynda qyrǵyz tilindegi «Abaı» atty kitaptyń tusaýy kesildi, – dep jazdy QazAqparat Kabar agenttigine silteme jasap.

Eske sala keteıik, Halyqaralyq túrki akademııasy bıylǵy Abaı mereıtoıy aıasynda onlaın-konferenııa ótkizgen bolatyn. Oǵan Qyrǵyz Respýblıkasynyń Mádenıet, aqparat jáne týrızm mınıstri Azamat Jamanqulov ta qatysty.

Konferenııa barysynda qyrǵyz tilinde jaryqqa shyqqan «Abaı» kitaby tanystyryldy. Onda mınıstr Azamat Jamanqulov sóz sóılep, 2020 jyly Abaı Qunanbaıulynyń 175 jyldyq mereıtoıy aıasynda birqatar is-sharalar ótetinin málimdedi. Atap aıtqanda A.Osmonov atyndaǵy Ulttyq kitaphanada onlaın kitap kórmesi ótedi. Sonymen qatar Bishkektegi Qazaqstan elshiligi, Qyrǵyzstandaǵy qazaqtar qaýymdastyǵy jáne Mádenıet mınıstrliginiń qoldaýymen Abaı ortalyǵy ashylady.

Odan bólek, mınıstrdiń aıtýynsha, 27 mamyrda «Abaı Qunanbaıulynyń ádebı jáne rýhanı murasynyń qundylyǵy» atty onlaın konferenııa ótedi. Oǵan birneshe eldiń ǵalymdary qatysady.

Aıta keteıik, Halyqaralyq túrki akademııasy uıymdastyrǵan konferenııaǵa Halyqaralyq Túrki akademııasynyń prezıdenti Darhan Qydyráli, IýNESKO Azııa jáne Tynyq muhıty bóliminiń bastyǵy Andreı Shevelev, Qyrǵyz Respýblıkasynyń Mádenıet, aqparat jáne týrızm mınıstri Azamat Jamankýlov, qyrǵyz halyq artısi Túgelbaı Qazaqov, Qyrǵyz Jazýshylar odaǵynyń tóraǵasy Nurlanbek Qalybekov, sonymen qatar Ázerbaıjan, Bashqurtstan (RF), Qazaqstan, Qyrǵyzstan, Majarstan, Mońǵolııa, Ózbekstan, Tatarstan jáne Túrkııa elderiniń tanymal túrkolog ǵalymdary qatysty.

Sońǵy jańalyqtar