23 Mamyr, 09:52 469 0 Jańalyqtar Asyl TUMAR

Maqtaaralda monshany panalap júrgen 28 otbasyǵa baspana beriledi

Sýret ǵalamtordan  alyndy
Sýret ǵalamtordan alyndy

Maqtaaral aýdanynda apatty jaǵdaıdaǵy eski ǵımarattarda turyp kelgen 28 otbasyǵa qosymsha baspana salynady. Bul týraly Úkimet Basshysy Asqar Mamın apat aımaǵyna kelgen jumys sapary barysynda málimdedi.

Túrkistan oblysy ákimdigi baspasóz qyzmetiniń málimetinshe, turmysy tómen otbasylar buǵan deıin sý basqan Órgebas aýylyndaǵy bos turǵan ǵımarattardy panalap kelgeni anyqtalǵan. Eski jataqhana men monshada, balabaqshada kúneltip kelgenderdiń baspanasy baryn rastaıtyn eshbir qujaty da bolmaǵan.

Osyndaı turǵyndardyń biri Sholpan Boranova jańadan úı beriletinin estip, qýanyp otyrǵanyn jetkizdi.

«Men osy jerde ómirimniń sońyna deıin turatyn shyǵarmyn dep oılaǵanmyn. Ómirimde jańa baspanaly bolamyn dep oılamappyn. Sebebi úsh balany jalǵyz ózim baǵyp kelemin, úlken úı qalaı salamyn. Tapqanym bala-shaǵamnan artylmaıdy. Endigi jerde jańa úı beriledi dep estip jatyrmyz. Óz kezeginde bizge osyndaı jaǵdaı jasap jatqan bılik basyndaǵylar men barsha qazaqstandyqtarǵa alǵys aıtqym keledi», – deıdi Órgebas aýylynyń turǵyny Sholpan Boranova.

Sońǵy jańalyqtar