22 Mamyr, 19:27 482 0 Qoǵam Anar LEPESOVA

Almatyda "baraholka" qashan ashylady – ákimdik jaýap berdi

Almaty ákimdigi "baraholkanyń" qashan ashylatynyn aıtty.

Almaty qalasy kásipkerlik jáne ınvestıııalar basqarmasynyń bastyǵy Erkebulan Orazalınniń sózinshe, barlyq nysandardy bir ýaqytta emes, kezeń-kezeńimen ashý josparlanǵan.

25 mamyrdan bastap halyqqa qyzmet kórsetý ortalyqtary jumysyn bastaıdy, sondaı-aq azyq-túlik bazarlary men ózge de bazarlardyń azyq-túlik qatarlary ashylady.

"Bizde 23 bazardyń ishinde 13 nysan jumys istedi. "Barys" bazarynda ashyq aspan astyndaǵy bólshek saýda jabylǵan bolatyn. Dúısenbiden bastap qabyldaýǵa daıyndalyp jatyr. Iske asyrylǵan 4 kezeń aıasynda 500 myń adam jumys ornyna qaıta oraldy. Sondaı-aq dúısenbiden bastap saýda oıyn-saýyq ortalyqtarynyń bólshek saýda býtıkter bólimi ashylady. Biraq, kınoteatr, tamaqtaný jáne oıyn-saýyq oryndary jumys istemeıdi. Besinshi kezeń aıasynda taǵy 100 myń adam jumysyna kirisedi. Azyq-túliktik emes bazarlarǵa keler bolsaq, komıssııa sheshimine sáıkes, olar aýdıtten ótkennen keıin 1 maýsymnan bastap jumysyn jandandyrady", – deıdi Almaty qalasy kásipkerlik jáne ınvestıııalar basqarmasynyń bastyǵy Erkebulan Orazalın.

Aıta keteıik, buǵan deıin Almatynyń bas sanıtary Jandarbek Bekshın 25 mamyrdan bastap jumysyn bastaıtyn qoǵamdyq tamaqtaný oryndaryna qandaı talaptar qoıylatynyn aıtty.

Sońǵy jańalyqtar