22 Mamyr, 18:52 297 0 Densaýlyq Anar LEPESOVA

Almatydaǵy dámhanalarda dastarhanǵa 4 adamnan artyq otyrýǵa bolmaıdy

Sýret ınternetten alyndy
Sýret ınternetten alyndy

Almatyda 25 mamyrdan bastap jumys isteıtin qoǵamdyq tamaqtaný oryndaryna qandaı talaptar qoıylady? Bul saýalǵa qalanyń bas sanıtary Jandarbek Bekshın jaýap berdi. 

«Kafelerge qoıylatyn talap: ujymdyq keshter men banketter ótkizýge tyıym salynady. Qoǵamdyq tamaqtaný oryndaryna keshki saǵat 23:00 -ge deıin jumys isteýge ruqsat berdik. Eń bastysy, ústelder arasyndaǵy qashyqtyq keminde eki metr bolýy kerek. Dastarhanǵa bir otbasy múshelerin qospaǵanda, tórt adamnan artyq otyrýǵa bolmaıdy», - dedi ol.

Bas sanıtar tamaqtaný oryndarynyń qyzmetkerleri sanıtarlyq talaptardy qatań saqtaýy tıis ekenin aıtty.

«Kelgenderge qyzmet kórsetetin personaldar mindetti túrde maska taǵyp, qolǵap kııý tıis. Árbir klıentten keıin dezınfekııalaý quraldaryn qoldana otyryp tazalaý júrgizilýi kerek. Sonymen qatar, áleýmettik qashyqtyq saqtalýy qajet. Jiti respıratorlyq vırýstyq ınfekııa bar jáne qyzýy kóterilip turǵan adamdar jumysqa jiberilmeıdi. Munyń bárin ákimshilik qadaǵalap otyrýy tıis. Biz ashanalardaǵy óz-ózine qyzmet kórsetý prınıpin joıdyq. Daıyn taǵamdy qyzmetkerler ózderi jetkizedi. Osy salada qyzmet kórsetetinderdi sanıtarlyq talapty saqtaýǵa shaqyramyn», - dedi J.Bekshın.

Eske sala ketsek, buǵan deıin qalanyń bas sanıtary bastaǵan mobıldi top jumysy jandanǵan kásiporyndardy aralap, birqatar tártip buzýshylyqtardy anyqtaǵan bolatyn.

Jandarbek Bekshın jumysyna kirisken kásipkerler bekitilgen sanıtarlyq talaptardy  oryndamasa, 4 mıllıon teńgege deıin aıyppul arqalaıtynyn eskertti.

Aıta keteıik, Shymkentte qoǵamdyq tamaqtaný oryndary ázirge ashylmaıdy. Qala ákimdigi muny qalada koronavırýs ınfekııasyn juqtyrǵandar sanynyń kóbeıýimen túsindirdi.

Ótken táýlikte Shymkentte 31 adamnan koronavırýs anyqtalyp, qalada indet juqtyrǵandardyń jalpy sany 539-ǵa jetti.

 

Sońǵy jańalyqtar