22 Mamyr, 12:07 267 0 Densaýlyq Anar LEPESOVA

1 maýsymnan Nur-Sultandaǵy balabaqshalar qalypty rejımde jumys isteıdi

1 maýsymnan bastap elordadaǵy balabaqshalar qalypty jaǵdaıda jumysyn bastaıdy. Bul týraly Nur-Sultan qalasynyń bilim basqarmasynyń basshysy Sholpan Qadyrova málimdedi. 

«18 mamyrdan bastap menshik nysanyna qaramastan barlyq mektepke deıingi uıymdar sanıtarlyq-dezınfekııalyq rejımdi saqtaı otyryp, óz jumystaryn birinshi kezekte balany úıde qaldyrýǵa múmkindigi joq, jumys isteıtin ata-analar úshin, ata-analardyń qalaýy boıynsha «kezekshi toptar» rejıminde qaıta bastady. Búgingi kúni balabaqshalarda balalar sany – 4134. Bul – jalpy balalardyń 7,4 paıyzy», - dedi basqarma basshysy elorda ákimdiginiń Facebook paraqshasynda onlaın rejımde ótken brıfıngte.

Sholpan Qadyrova 1 maýsymnan bastap barlyq balabaqsha men qosymsha bilim berý uıymy shtattyq rejımde, ıaǵnı qalypty jaǵdaıda jumystaryn qaıta bastaıtynyn jetkizdi. Basqarma basshysynyń aıtýynsha, mektepke deıingi bilim berý uıymdaryndaǵy daıarlyq toptary 1 tamyzǵa deıin balabaqshaǵa barady.

Aıta keteıik, ótken táýlikte Nur-Sultanda 54 adamnan koronavırýs anyqtalyp, ósim 3,8 paıyzdyq qurady.

Al respýblıka boıynsha bir kúnde 363 adamnyń indet juqtyrǵany belgili boldy. Elde koronavırýsqa shaldyqqandardyń jalpy sany 7597-ge jetti.

Sońǵy jańalyqtar