22 Mamyr, 11:44 606 0 Qoǵam Anar LEPESOVA

Shymkentte qoǵamdyq tamaqtaný oryndary qashan ashylady – ákimdik jaýaby

Sýret ınternetten alyndy
Sýret ınternetten alyndy

Shymkentte meıramhanalar men dámhanalar ázirge ashylmaıdy.

Bul týraly qala ákiminiń orynbasary Maqsut Isahov áleýmettik jelidegi  paraqshasynda málimdedi.

«Keıbir áleýmettik jelilerde qoǵamdyq tamaqtaný oryndary (ashana, kafe, restoran, barlar) jáne sport zaldary ashylady degen habarlama tarap, tipti keıbir kásipkerlerimiz daıyndyqqa kirisip ketipti. Ákimdik tarapynan ázirge ondaı qaýly qabyldanyp, sheshim shyqpady. Ózderińizge belgili, Memleket basshysy nysandardy retimen iske qosýǵa tapsyrma bergenimen, qalalarda ol proess epıdemıologııalyq jaǵdaıǵa baılanysty júzege asady. Bárimiz karantınniń aıaqtalýyn asyǵa kútip, saıabaq, bazarǵa shyqqanymyzǵa qýanyp, sanıtarlyq talaptardy eskerýsiz qaldyryp jatyrmyz. Ókinishke qaraı, qalamyzda koronavırýs ınfekııasyn juqtyrǵandar sany kóbeıýde. Sol sebepti qaladaǵy barlyq nysanǵa sanıtarlyq talaptardyń oryndalýy boıynsha monıtorıng júrgizilip, nátıjesinde birqatar shekteýler qoıylady», - dep jazdy Maqsut Isahov.

Aıta keteıik, ótken táýlikte Shymkentte 31 adamnan koronavırýs anyqtalyp, qalada indet juqtyrǵandardyń jalpy sany 539-ǵa jetti.

Al respýblıka boıynsha bir kún ishinde 363 adamnyń qaterli vırýs juqtyrǵany belgili boldy. Elimizde koronavırýsqa shaldyqqandardyń jalpy sany – 7597. Indet taralǵaly 35 naýqas kóz jumdy.

Sońǵy jańalyqtar