21 Mamyr, 13:39 341 0 Densaýlyq Túrkistan Gazeti

Elordalyq terapevt: Ár adam óz densaýlyǵyna jaýapty bolýdy úırenýi kerek

Búkil álemdi koronavırýs pandemııasy jaılady. Jańalyqtarda bul indetke shaldyqqandardyń statıstıkasy, onyń aldyn alý sharalary týraly jıi aıtylady. Staıonarda qaýipti dertpen kúresip júrgen elordalyq terapevt dáriger Gúlnaz Jumabekqyzy vırýstan qorǵanýdyń negizgi joldaryn aıtyp berdi. 

 Gúlnaz Jumabekqyzy, sizdiń staıonarda jumys istep júrgenińizge qansha kún boldy? Qazirgi jumysyńyz týraly aıtyp berseńiz. 

– 6 naýryzdan bastap Nur-Sultan qalasyndaǵy Kópsalaly medıına ortalyǵynyń ınfekııalyq bóliminde jumys istep júrmin. Sáýir, mamyr aılarynda naýqastar kóbeıe bastady. Aýyr jaǵdaıda jatqan naýqastardy táýlik boıy baqylap otyrdyq. Qazirgi jumys emhanadaǵy (Nur-Sultan qalasyndaǵy № 1 qalalyq emhana) kúndelikti jumysymnan erekshelenedi. Aýrýhanaǵa kelip jatqan paıentterde bastapqy kezde stress, ýaıym, qorqynysh boldy. Sondaı qıyn kezeńde bir-birimizge qoldaý kórsetýdi úırendik. Aýrýhanadaǵy paıenttermen kún saıyn sóılesip, jaǵdaıyn bilip otyramyz.  

Koronavırýs ınfekııasymen kúresýde qarapaıym halyq neni eskerý kerek? 

 – Jeke gıgıenany saqtaý, maska, medıınalyq qolǵap kııý jáne qoldy muqııat jýyp júrý qajet. Egerde ózińizdi jaısyz sezinetin bolsańyz, tez arada dárigerge qaralǵan jón.  Mysaly, dene qyzýynyń kóterilýi, murynnyń bitelýi, jótel, tamaq aýyrǵan kezde jedel járdem shaqyrý kerek. Syrtqa shyqqan kezde ózimen birge antıseptıkalyq quraldardy alyp júrýdi, qoǵamdyq kólikterde maska kııýdi ádetke aınaldyrý kerek.

Memleket tarapynan karantın aımaǵynda júrgen medıına qyzmetkerlerine ústemeaqy tólenip jatyr. Materıaldyq qoldaýdyń kez kelgen mamanǵa tyń serpin bereri sózsiz. Osyǵan baılanysty sizdiń oıyńyz qandaı? 

– Meni osy karantın aýmaǵyna jibergen ýaqytta ústemeaqy tólenetindigi týraly aıtylmaǵan edi. Árıne, bul jańalyq úlken qoldaý boldy.  Materıaldyq qoldaýdan tys halyqtyń dárigerlerge degen senimi jáne qurmeti de bizge mol kúsh-jiger beredi. Qazirgi tańda dáriger retindegi basty mindetimdi abyroımen atqarsam degen oıym bar. Óıtkeni koronavırýstan emdelip shyqqan ár paıenttiń aıtqan alǵysy bárinen de qymbat.

Óz jumysyńyzda qandaı ustanymdardy saqtaýǵa tyrysasyz? 

– Kez kelgen jerde jáne kez kelgen ýaqytta barlyq adamǵa kómek kórsetýge tyrysý. Mamandyǵymdy osy úshin jaqsy kóremin. Adamdar dárigerge ómirindegi baǵa jetpes baılyǵyn – densaýlyǵyn senip tapsyrady. Bul jumysyma degen jaýapkershiliktiń joǵary bolýyn talap etedi. Odan bólek jańa bilim úırenýge tyrysamyn. Sebebi dáriger únemi izdenis ústinde júrýi kerek.

Karantın aıaqtalǵan soń, eń birinshi kimge qońyraý shalasyz? 

– Ata-anama habarlasamyn. Múmkindik bolsa otbasyma baryp kelemin. Olardy kórmegeli biraz ýaqyt ótti.

Osy tusta ózińiz týraly aıtyp ótseńiz.

– Men 1994 jyldyń 28 naýryzynda Túrkistan oblysy, Shardara aýdanynda dúnıege keldim. 2011 jyly memlekettik grantty jeńip alyp, Qaraǵandy memlekettik medıına ýnıversıtetindegi «jalpy medıına» mamandyǵyna oqýǵa tústim. 2018 jyly ýnıversıtetten terapevt mamandyǵyn alyp shyqtym. Nur-Sultan qalasyndaǵy №1 qalalyq emhanada terapevt bolyp jumys istep júrgenime 2 jyl boldy.

Otbasyńyzda sizden basqa dárigerler bar ma?

– Otbasymda 4 qyz, 1 ul. Ákem áskerı salada jumys istese, anam –býhgalter. Úıde jalǵyz dárigermin. Ózimdi tek osy mamandyqta ǵana kórdim. Anam dárigerdiń jumysy qıyn ári aýyr dese de, medıınany tańdadym. Oǵan esh ókinbeımin.

Qazirgi karantın kezindegi halyqqa dáriger retinde ne aıtar edińiz?

– Bul kúnder de artta qalady. Karantın kúnderi ár adam óz densaýlyǵyna jaýapty bolýdy úırense eken. Myna nárseni esten shyǵarmaý kerek. Sizdiń densaýlyǵyńyz ­­– óz qolyńyzda! Ózińizdi saqtańyz!

Ýaqyt bólip suhbat bergenińiz úshin raqmet!

 Suhbattasqan Baljan Smaılova

 

 

Sońǵy jańalyqtar