19 Mamyr, 09:25 419 0 Ishki saıasat Anar LEPESOVA

Roman Sklıar Túrkistan oblysyndaǵy tótenshe jaǵdaı saldaryn joıý jumystarymen tanysty

Premer-Mınıstrdiń orynbasary Roman Sklıar Túrkistan oblysyna jasaǵan jumys sapary barysynda sý basý saldarynan zaqymdalǵan turǵyn úılerdi, áleýmettik maqsattaǵy nysandardy qalpyna keltirý jumystarynyń barysyn tekserdi.

Bul týraly Úkimet basshysynyń resmı saıtynda habarlandy.

Roman Sklıar men Túrkistan oblysynyń ákimi Ómirzaq Shókeev tótenshe jaǵdaı saldaryn joıý jumysymen tanysyp, Tólebı aýdanynyń aýyl turǵyndarymen kezdesti. Kezdesý barysynda zardap shekken eldimekenderdiń tynys-tirshiligin tez arada qalpyna keltirý úshin bılik tarapynan qabyldanyp jatqan sharalar týraly aıtyldy.

Sondaı-aq, Maqtaaral aýdanyndaǵy sý basqan aýmaqtardy aralap shyqty. Sapar barysynda Myrzakent kentindegi jeke menshik turǵyn úılerdiń qurylysyn salýǵa bólingen 70 ga jer ýchaskesindegi jańa shaǵyn aýdanda júrgizilip jatqan qurylys jumystary tekserildi.

Úkimet rezervinen turǵyn úı salý, ınjenerlik-ınfraqurylymdyq shyǵystardy qamtamasyz etý, sý qubyry jelilerin qaıta jańartý jáne qalpyna keltirý, kólik ınfraqurylymyn qalpyna keltirý úshin qarajat kózdelgen. Jańa shaǵyn aýdannyń qurylysyna 32 merdigerlik uıym tartylǵan, 313 úıde qurylys jumysy bastaldy. Qurylys alańynda 900-ge jýyq qurylysshy men 70 arnaıy tehnıka qurylys-montajdaý jumystaryn júrgizýde.

Roman Sklıar zaqymdalǵan úılerdi, sý basqan aýmaqtardan sýdy sorý jumystarynyń qarqynyn tómendetpeýdi tapsyrdy.

 

Sońǵy jańalyqtar