5 Sáýir, 10:16 474 0 Jahan Anar LEPESOVA

Germanııada sheteldikterge páterin jalǵa bergender 10 myń eýro aıyppul tóleıdi

Germanııada koronavırýstyń  taralýyna baılanysty engizilgen karantın tártibin buzǵandarǵa jaza kúsheıtildi.

Budan bylaı elge kelgen saıahatshylarǵa páterdi jalǵa bergeni úshin úı ıelerine 10 myń eýroǵa deıin aıyppul salynýy múmkin. Meıramhana, dámhana, fıtnes klýb jáne kitaphanalarǵa da sheteldikterdi qabyldaýǵa tyıym salynǵan.

Al aýrýhana men qarttar úıine barmaý týraly erejeni buzǵandar 2 jarym myń eýro tóleıdi. Biraq el bıligi saıabaqtardy jappaýdy jón kórgen. Tipti turǵyndarǵa serýendep, sportpen aınalysýǵa da ruqsat etilgen. Bastysy, 5 metrlik araqashyqtyqty saqtaý qajet.

Búginde Germanııada koronavırýs juqtyrǵandar sany 95614-ke jetken. Indetke shaldyqqandardyń sany jóninen bul el AQSh, Ispanııa jáne Italııadan keıingi tórtinshi orynda. Sońǵy derek boıynsha, memlekettiń 1427 turǵyny koronavırýstan kóz jumǵan.

Aıta keteıik, Qazaqstanda koronavırýs juqtyrǵandar sany 551-ge jetti.

Nur-Sultan qalasy boıynsha 219 adam, Almaty qalasynda – 110 adam, Qaraǵandy oblysynda - 27 adam, Aqmola oblysynda - 20 adam, Atyraý oblysy - 22 adam, Jambyl oblysynda - 28 adam, Shymkent qalasynda - 13 adam, Shyǵys Qazaqstan oblysynda - 5 adam, Almaty oblysynda - 10 adam, Aqtóbe oblysynda - 10 adam, Soltústik Qazaqstan oblysynda - 25 adam, Pavlodar oblysynda - 1 adam, Mańǵystaý oblysynda - 3 adam, Qyzylorda oblysynda - 30 adam, Batys Qazaqstan oblysynda - 2 adam, Túrkistan oblysynda - 25 adam, Qostanaı oblysynda - 1 adam tirkeldi. 

Sońǵy jańalyqtar