5 Sáýir, 09:59 398 0 Atajurt Baqytbek Qadyr

Onlaın ári tegin sheberlik kýrsyna qatysyńyz

«Otandastar qory» qyzmetiniń basym baǵyttarynyń biri – shetelde turatyn qazaq halqynyń ajyramas bóligi bolyp tabylatyn qandastarǵa qoldaý kórsetý.
Barlyq memleketterge jaıylyp úlgergen juqpaly koronavırýs aýrýyna baılanysty elimizde tótenshe jaǵdaı jarııalandy. Iri qalalar men oblys aýmaqtarynda karantın rejımi engizilýde.
Osyǵan oraı, Dúnıejúzi qazaqtary qaýymdastyǵy, «Otandastar qory» men «Dástúr» syılyǵynyń ıegeri Qazıpa Qalıqyzynyń «HAZIFA» sheberlik mektebi birlesip, kıim tigýdi úırenetin sheberlik onlaın kýrsyn ázirledi.
Bul kýrstar shetelde turatyn aǵaıyn úshin tegin bolady jáne 2020 jyldyń 2 sáýirinden (naqty ýaqyty qosymsha habarlanady) bastaldy.
Oqý barysynda Qazıpa Qalıqyzy óziniń 26 jyldyq eńbek tájirıbesimen bólisip, kıimdi 3 ólshemmen kesip-pishý boıynsha avtorlyq metodıkasymen tanystyrady.
Qazirgi kezde elimizde jáne sheteldegi baýyrlarymyz arasynda tiginshilik ónerdi zamanaýı úlgide jańǵyrtyp júrgen azamattar az emes. Degenmen, ulttyq qol ónerdi ıgerýge talpynýshylar sanynyń artýy bizdi árqashan qýantady.
Kýrsqa qatysyýshylar:
– Kıimdi kesip-pishý, tigý men ózgertýdiń ońaı ádisin ıgeredi;
– Perde, dastarhan, tósek qaptar jáne taǵy basqa úı buıymdaryn tigýdi úırenedi;
– Kesteli buıymdar men quraq kórpe sııaqty zattardy piship-tigýdi meńgeredi;
– Ulttyq qolóner jáne tigin óndirisine aralasýǵa, kásiptenýge jáne shyǵarmashylyqqa beıimdeledi.
Oqý nátıjesi boıynsha jańa kásip bastaýyna múmkindik beretin tıisti sertıfıkattar tabys etiledi. Dáris alýshylardyń shyǵarmashylyq qabileti artyp, tigin óndirisine jańa tolqyn mamandar qosylatynyna senim mol.

Qosymsha aqparatty myna telefon nómerleri arqyly alýǵa bolady:
+7 702 382 38 08
+7 775 085 85 68

Sońǵy jańalyqtar